Payas Aur Aflas Ka Sehra - پیاس اور افلاس کا صحرا

سہیل پرواز صاحب نے اپنا ذاتی دکھ اور اپنا سینہ اپنے قاری کے سامنے کھول کر رکھ دیا ہے۔ یہ ان کی شریک حیات، محترمہ رخسانہ مرحومہ کے تذکروں پر مبنی کتاب ہے جن سے جدائی کا خیال لکھاری کے ذہن میں کبھی بھی کہیں بھی نہیں تھا۔ یہ مرحومہ کا محبتی بیان تو ہے ہی، اس میں سیکھنے کو بھی بہت کچھ ہے۔ پڑھیے جناب۔

محمد حفیظ خان آپ کو بہاولپور کے فیاض اور دوسرے کرداروں سے ملواتے ہیں جن کی تمام زندگی کبھی نہ پوری ہونے والی چھوٹی چھوٹی خواہشوں کے بھینٹ چڑھ گئی۔ یہ لوگ تقسیم ہند کے زخم سہتے ہیں اور پھر ون یونٹ کے نام پر اپنی تہذیبی و سیاسی شناخٹ سے محروم ہو جاتے ہیں۔ سرائیکی وسیب کا نوحہ ہے۔ پڑھنے والا۔ پڑھیے۔

ناطق کے اس افسانوی مجموعے کی کہانیاں زندگی کی رونقیں اورایسے درد و غم کی داستانیں ہیں کہ جنہیں جمع کیا تو چودہ افسانوں کی کتاب مرتب ہو گئی۔ یہ وہ کہانیاں ہیں جن کی اکثریت بس زندگی کے چوراہوں پر جوان اور بوڑھی ہوجاتی ہیں مگر کوئی نہیں پڑھ پاتا۔ آپ تو مگر پڑھیے ناں۔

ممتاز مفتی صاحب سے اردو پڑھنے والوں میں سے کون واقف نہیں؟ وہ منفرد اسلوب والے شاندار لکھاری تھے۔ وہ نہیں رہے مگر ان کی تخلیقات تاقیامت ہم میں موجود رہیں گی۔ ویسے آپ سے معذرت یہ بھی کرنا ہے کہ آپ کو عین یہی تعارف ان کی باقی تمام کتب کے بارے میں بھی پڑھنا پڑے گا۔ کیونکہ، مفتی صاحب کا "نام ہی کافی ہے!"

اردو ادب میں سماج میں عورت کے مقام کے حوالے سے پراپر بغاوت کرنے والی اولین لکھاریوں میں سے ایک عصمت چغتائی بھی ہیں۔ وہ اپنے زمان و مکاں کے حوالے سے بہت دلیری سے بہت کچھ تحریر کر گئیں۔ یہ ان کی شخصیت کا تو عکس ہے ہی، ہمارے سماج میں عورت کی کہانیاں بھی ہیں۔ پڑھیے جناب۔

اجمل کمال آپ کے لیے لائے ہیں اک بار پھر اپنے انتخاب سے عربی کہانیاں۔ شاندار ترجمہ جو آپ کو کتاب میں دلچسپی کے ساتھ انگیج رکھے گا۔ اس کتاب کو پڑھیے اور یوسف ادریس، زکریا تامر، الیفہ رفعت، نبیل جورجی اور طیب صالح کے علاوہ اور بہت سے عربی لکھاریوں کے اسلوب کا لطف لیجیے۔ یاد رکھیں گے، دوست۔

وہی نیر مسعود ہیں، وہی ان کا منفرد انداز بیاں اور وہی ان کے شاندار و مختصر افسانے۔ اس چھوٹی سی کتاب میں ان کے سات افسانے ہیں جو آپ کو اپنے آس پاس کے لوگوں کی کہانیاں سناتے ہیں۔ کیا معلوم کہ آپ جب اس کتاب کو پڑھیں تو کچھ کہانیاں آپ کو خود پر ہی بیتی ہوئی محسوس ہوتی ہوں۔ پڑھیے دوست۔

یہ شاندار کتاب ستار طاہر صاحب کا انمول تحفہ ہے اور آپ کو  تاریخی علم اور کتب کی تاریخ اور ارتقاء کے بارے میں رہنمائی فراہم کرے گی۔ یہ کتاب آپ کو بھرپور مشاہدہ عطا کرتی ہے اور آپ ہزاروں برسوں پر محیط دانش کی لازوال کتابوں کی دنیا میں داخل ہو جاتے ہیں۔ پڑھیے اور ان گنت کتب کے بارے میں جانیے۔

دینہ میں پیدا ہونے والے سمپورن سنگھ کالرا سے کون واقف نہیں جو اردو کو نجانے کب سے "گلزار" بنائے ہوئے ہیں۔ ان کے کسی تعارف کی کوئی ضرورت بھی ہے بھلا؟ یہ ان کے تحریر کردہ افسانے ہیں دوستو۔ پڑھیں گے تو ان کی نثر کے جادو اور نشے میں جھومتے رہیں گے۔

یہ کتاب امروز نے امرتا کی محبت میں تخلیق کی۔ انہی کی زبانی پڑھیے: "میں امرتا کو بہت سے ناموں سے بلاتا ہوں۔ آشی سے لے کر برکتے تک۔ مجھے جو بھی خوبصورت لگتا ہے، اسی نام سے میں اسے پکارنے لگتا ہوں۔ یہ خطوط میرا سرمایہ ہیں اور میں امرتا کی خود گزشت "رسیدی ٹکٹ" کا حصہ بھی۔" گداز اور وفا پڑھیے دوست۔

تاش کے باون پتوں کی طرح، انسان اور ان سے جڑے معاملات بھی گویا اک دوسرے سے مختلف ہوتے ہیں۔ یہ اپنی طرز کے الگ الگ عوامل جب ملتے ہیں تو جیسے تاش کی بازی کا الگ رنگ بنتا ہے، عین ویسے ہی زندگی کا بھی رنگ الگ ابھرتا ہے۔ پڑھیے ممبئی کی اک طوائف، جمنا کی کہانی اور عظیم مصنف کی شاندار نثر کا لطف لیجیے۔

حمید اختر اپنے عہد کے بڑے دانشور اور لکھاری تھی۔ پکے سوشلسٹ تھے اور انہی نظریات پر اپنی آخری سانس تک کاربند رہے۔ ان کی دانش آج بھی جاری ہے۔ انہوں نے زمین زادوں کا دکھ لکھا اور خوب لکھا۔ یہ ان کے افسانوں کی کتاب ہے اور موضوع وہی ہے: ہم، آپ، کلفتیں اور معاشرہ۔ پڑھنے کا لطف دے گی۔

اس کتاب کے بارے میں امرتا کہتی ہیں: "ناولوں، کہانیوں کو اک طرف رکھ کر صرف نظموں کو سامنے رکھا، اور وہ بھی صرف ان نظموں کو جن کا تعلق میری نجی زندگی سے ہے۔" وہ کہتی ہیں کہ وہ لوگوں کے درد کو میں اپنے درد کا ہی حصہ مانتی ہیں۔ یہ خوبصورت کتاب پڑھنا "اک تصور کے گلے لگ کے باتیں کرنے" جیسا ہے۔ پڑھیے!

دیکھیں بھئی، بہت سادہ سی بات ہے: آصف فرخی کے افسانے ہوں اور عرفان جاوید کا انتخاب، تو آپ یہ کتاب کیوں نہیں پڑھیں گے بھلا؟ آصف فرخی اس دنیا کے معلوم سے نامعلوم کی طرف چلے تو گئے، وہ مگر اردو اور اردو ادب سے محبت کرنے والوں کے دلوں میں ہمیشہ موجود رہیں گے۔ یہ ان کے افسانوں کا شاندار مجموعہ ہے؛ پڑھیے۔

یہ منیر نیازی مرحوم کی شاعری کی کتاب ہے۔ یہی اسکا تعارف ہے۔ ہمیں اور کچھ لکھنا بھی نہیں، جناب۔ پڑھیے، پڑھتے رہیں۔

محمد الیاس کے افسانوں کی کتاب ہے۔ وہ اک طویل عرصے سے اپنے مشاہدات، تجربات اور اس مٹی کے ساتھ جڑے ہوئے اپنے اور دوسروں کے دکھوں کی کہانیاں بیان کر رہے ہیں۔ یہ کتاب بھی آپ کا دل گداز کرنے والی ہے۔ پڑھیے دوست اور ان کے بیان میں موجود اداسی کو دل سے محسوس کیجیے۔