Aawazain - آوازیں

عامر صدیقی کا باکمال انتخاب و ترجمہ ہے۔ یہ پنجاب کی لوک رہتل کی کہانیاں ہیں جو آپ کو دیہاتی، قصباتی اور چھوٹے شہروں کی گلیوں اور بازاروں میں آباد اور گھومتے پھرتے لوگوں میں لے جاتی ہیں۔ ترجمہ نے درحقیقت اصل تحاریر کا عرق جیسے تھا، ویسا ہی قاری کے سامنے پیش کر ڈالا ہے۔ پڑھیں گے تو بہت لطف اٹھائیں گے!

یہ آصف فرخی مرحوم کے سفر کا بیان ہے جو انہوں نے انتظار حسین مرحوم کے ساتھ کیا جب وہ دنیا کے اک مشہور ادبی میلے "مین بکرز پرائز" میں شرکت کے لیے جاتے ہیں۔ آصف اس قصے کو ایسے بیان کرتے ہیں کہ یہ محض اک سفرنامہ کی روئیداد نہیں رہتا، اک تخلیقی معاملہ بن کر قاری کے سامنے آ جاتا ہے۔ پڑھیے دوست، پڑھیے۔

پنجاب کے اک گاؤں کا سچا واقعہ ہے جہاں اک نوزائیدہ بچے کو ناجائز قرار دے کر سنگسار کر دیا گیا تھا۔ کچھ اسی بابت تارڑ نے بھی خس و خاشاک زمانے میں تحریر کیا ہے، مگر یہ ناولٹ اسی اک واقعہ پر بالخصوص پنجاب کے پیری-مریدی کے کلچر کے پس منظر میں لکھا گیا۔ کردار نگاری آپ کو ہلا کر رکھ دے گی۔ سچ ہے؛ پڑھیں گے؟

بھئی سچی بات ہے کہ ہمیں تو سکندر "اعظم" محسوس نہیں ہوتے، مگر کیا کیجیے کہ عرف عام میں انہیں اعظم ہی کہا اور لکھا جاتا ہے۔ ہمارے لیے تو اعظم "راجہ پورس" ہیں اور تاقیامت رہیں گے۔ اس کا مطلب یہ نہیں کہ سکندر کے بارے میں پڑھا ہی نہ جائے۔ کتاب اٹھائیے اور پڑھ لیجیے۔ کوئی روک تو نہیں رہا ناں۔

یہ مختصر کتاب اختر حامد خاں کی زندگی کا احاطہ کرتی ہے۔ اس میں وہ اپنے ذاتی اور لوگوں کے ساتھ اپنے تجربات اور سبق شئیر کرتے ہیں۔ کتاب کے آخری تین چار صفحات آپ کو بہت چونکا دیں گے کیونکہ یہ ان کی زندگی کا سبق ہیں۔ وہ 1921 میں پیدا ہوئے اور یہ کتاب 2000 میں چھپی۔ پڑھیے اور ان کے تجربہ سے سیکھیے دوست۔

بالزاک نے اس کتاب میں بےرحمانہ طریقے سے پیرس کا پوسٹ مارٹم کیا ہے۔پیرس کے لوگوں کا جو نقشہ کھینچا گیا ہے، وہ آپ کو چونکا دے گا۔ آپ لرز جائیں گے کہ کیا پیرس کبھی ایسا تھا جہاں غربت، لالچ، حسد، اس سطح پر پہنچے ہوئے تھے کہ بالزاک نے پیرس کو ایک جہنم قرار دے دیا۔ رؤف کلاسرا کا شاندار ترجمہ پڑھیے۔

اگر آپ اردو ادب پڑھتے ہیں اور اخلاق احمد کے نام سے واقف نہیں تو جناب، ہمیں یہ کتاب آپ کو فروخت کرنا بھی نہیں۔ بلکہ حیرت ہے کہ آپ اگر افسانہ پڑھنے والے ہیں اور آپ انہیں پڑھنے سے تاحال محروم ہیں؟ اتنا کہنا ہی کافی ہے کہ شکیل عادل زادہ ان کی تعریف کرتے ہیں۔ پڑھیں، پڑھیں، پڑھیں!

ام المؤمنین میں امی عائشہ کے حوالہ جات سے سب سے زیادہ احادیث اور نبی پاک ﷺ کی پاک زندگی کے واقعات اسلامی تاریخ کی شان ہیں۔ یہ کتاب ان کی تذکرہ اور ان کی باتوں کو آپ تک پہنچاتی ہے۔ یہ خود پڑھیے اور اسے اپنے گھر کی زینت بھی بنائیے۔

دینہ میں پیدا ہونے والے سمپورن سنگھ کالرا سے کون واقف نہیں جو اردو کو نجانے کب سے "گلزار" بنائے ہوئے ہیں۔ ان کے کسی تعارف کی کوئی ضرورت بھی ہے بھلا؟ یہ ان کے تحریر کردہ شخصی خاکوں کی کتاب ہے۔ پڑھیں گے تو ان کی نثر کے جادو اور نشے میں جھومتے رہیں گے۔

ملیے تاج لالہ سے جنہیں آپ نہیں جانتے۔ بھئی بنیاد تو یہ ہے کہ ہم بڑے آدمی کے سنڈروم کا شکار ہیں اور ہمیں صرف جانے پہچانے لوگ ہی بڑے محسوس ہوتے ہیں۔ تاج لالہ ہری پور کے مشہور مزدور رہنما تھے اور انہوں نے وہاں مقامی سماج میں شدید محنت، لگن اور خلوص سے لوگوں میں شعور پھیلائے رکھا۔ پڑھیں گے تو جانیں گے!

احمد بشیر پاکستان کے بہت سچے کھرے اور صاف گو صحافی اور لکھاری تھے۔ یہ ان کی زندگی کے حقیقی واقعات اور کرداروں کا بیان کردہ ناول ہے۔ یہ ناول آپ کو پاکستانی تاریخ سے بہت دلچسپ انداز میں متعارف بھی کروائے گا اور آپ کو کئی مقامات پر ہلا بھی دے گا۔ سچ ایسا ہی کرتا ہے۔ یہ آپ کو لازما پڑھنا چاہیے جناب۔

سلمیٰ اعوان جانی پہچانی افسانہ نویس ہیں۔ ان کی یہ کتاب اداس کہانیوں سے مزین ہے۔ اداسی اور خسارہ بھی ادب ہی کی اصناف ہیں اور بہت ساری نفسیاتی گتھیوں کو زمانے اور زندگی کی حقیقی رنگوں میں بیان کرتی ہیں۔ یہ عورتوں کی کہانیاں ہیں اور ان کی اپنی اپنی طرز کی سٹرگلز کی بھی۔ پڑھیے؛ دل گداز محسوس کیجیے گا۔

عاطف علیم نے اچھوتے موضوع پر قلم اٹھایا، اور اک مادہ سنو-لیپرڈ کی نظر سے دنیا کو دیکھا ہے جس میں وہ اپنی اور اپنے "خاندان" کی بقا کی جنگ میں مصروف ہے۔ یہ کتاب پڑھتے ہوئے آپ فیصلہ نہیں کر پاتے کہ آپ کا دل کس کے لیے پگھلے اور یہی مصنف کے فن کا کمال ہے کہ وہ یہ فیصلہ خود آپ سے ہی کرواتا ہے۔ پڑھیے جناب۔

یہ منیر نیازی مرحوم کی شاعری کی کتاب ہے۔ یہی اسکا تعارف ہے۔ ہمیں اور کچھ لکھنا بھی نہیں، جناب۔ پڑھیے، پڑھتے رہیں۔

اس کتاب میں کسی بڑے آدمی کی کوئی کہانی نہیں۔ اس میں کسی وزیراعظم، کسی صدر، وزیر،مشیر، سفیر، سرکاری بابوؤں یا ارب پتیوں کی کہانیاں نہیں۔ ان سے دوستیوں، میل میلاپوں کی داستانیں نہیں۔ اس کتاب میں عام، لاچار،بے بس انسانوں کی داستانیں ہیں۔ پڑھیے اور ان کے دکھ سکھ میں سانجھ کیجیے۔

آقا محمدﷺ سے محبت، عشق اور عقیدت کا اس سے بہتر بیان جدید اردو میں شاید ہی موجود ہو۔ تارڑ کئی جگہوں پر کہہ چکے ہیں کہ اس غار میں گزاری اک رات کا تجربہ، ان کی زندگی کے اک بہت بڑے حصے کے تجربے سے بڑا ہے۔ کتاب میں واقعاتی بیان تو موجود ہے ہی، روحانیت کی لہریں بھی آپ کو شاد کرتی ہیں۔ پڑھیے، لازمی پڑھیے۔