Almariyon Main Sajay Log - الماریوں میں سجے لوگ

تارڑ صاحب آپ کو اس بار حراموش لیے جاتے ہیں جو مواصلات کے اس دور میں بھی پہنچنے کے لیے اک مشکل جگہ ہے۔ تارڑ صاحب مگر عرصہ ہوا وہاں پہنچ گئے تھے۔ یہ کتاب آپ کو شمالی پاکستان کے ان پیارے اور خوبصورت لوگوں سے ملا دے گی جو آج بھی فطرت کی گود میں رہتے اور جیتے ہیں۔ پڑھیں گے تو جان اور مان جائیں گے۔

نیر مسعود کے گیارہ افسانے اور وہی بیان و اسلوب جس کی وجہ سے وہ افسانہ نگاری میں اپنا اک خاص مقام رکھتے ہیں۔ تو پڑھیے اور ان کے ساتھ سماج اور اس میں بسنے والے کرداروں کو جاننے کے سفر پر ان کے ہمراہ چلیے۔ وہ اپنے مشاہدے سے آپ کو ان کرداروں سے ملوائیں گے جو آپ کے آس پاس ہیں، مگر شاید آپ نہیں جانتے۔

درخت زندہ ہوتے ہیں، یہ ہم سب جانتے ہیں۔ درختوں سے کیا باتیں کی جا سکتی ہیں، یہ اسد سلیم شیخ صاحب ہم سے کہیں بہتر جانتے ہیں۔ اپنے خطے کے ان درختوں کے بارے میں اک فرسٹ پرسن گفتگو پڑھیے جو آپ کو اپنے بچپن کے مناظر اور یادوں میں لے جائیں گی۔ ہمارے علاقوں کے یہ درخت ہم سے روٹھ رہے ہیں۔ انہیں منا لیجیے!

اجمل کمال کا ترجمہ ہے اور کمال ترجمہ ہے۔ یہ اک ادب اور کتاب دوست شخص کا ذاتی انتخاب ہے جو انہوں نے عالمی ادب سے خود کیا اور پھر خود ہی اس کا ترجمہ بھی۔ چلیے، ایران چلیے، کولمبیا، چیک ریپبلک اور دنیا کے دیگر ممالک میں وہاں کے تخلیقی ذہنوں کے ادب کو پڑھیے۔ بقول ہمارے اک کتاب دوست، یہ "مست" کتاب ہے!

محمد حمید شاہد صاحب کے افسانے ہوں۔ مقدمہ اور انتخاب عرفان جاوید کا ہو۔ آپ اس کتاب کو کیوں نہیں پڑھیں گے بھلا؟ افسانہ نویس بھی جادوگر، انتخاب کرنے اور مقدمہ لکھنے والا بھی جادوگر۔ یہ کتاب بس جادو ہی ہے۔ پڑھیں جناب۔

ڈاکٹر اسامہ صدیق کی انگریزی تحریر ہو، اس پر عاصم بخشی کا ترجمہ، کتاب کیونکر پڑھنے اور یاد رکھنے لائق نہ ہو گی؟ ہو ہی نہیں سکتا۔ اس ناول پر شمس الرحمٰن فاروقی کہہ گئے تھے کہ یہ علمیت اور ذہانت سے لبریز تحریر ہے جو پڑھنے والے کو لبھاتی ہے۔ پڑھیے اور باقی کام ناول کا بیان کر دے گا۔ یہ ہمارا دعویٰ ہے۔

ہمارا اصرار ہے کہ آپ بھلے مسلمان ہیں، یا کسی بھی دوسرے مذہب سے تعلق رکھتے ہیں، مولانا وحید الدین کی کتب تمام مذاہب اور انسانوں کے لیے بھلائی اور ذریعہ اور سرچشمہ ہیں۔ وہ بہت دیانتداری سے اختصار کے ساتھ پیچیدہ تاریخی، سماجی، سیاسی و معاشرتی معاملات پر عام فہم تبصرے کرتے ہیں۔ آپ کو لازمی پڑھنا چاہئیے۔

دیکھیں بھئی، بہت سادہ سی بات ہے: آصف فرخی کے افسانے ہوں اور عرفان جاوید کا انتخاب، تو آپ یہ کتاب کیوں نہیں پڑھیں گے بھلا؟ آصف فرخی اس دنیا کے معلوم سے نامعلوم کی طرف چلے تو گئے، وہ مگر اردو اور اردو ادب سے محبت کرنے والوں کے دلوں میں ہمیشہ موجود رہیں گے۔ یہ ان کے افسانوں کا شاندار مجموعہ ہے؛ پڑھیے۔

ڈاکٹر انور سدید پاکستان کے مشہور نقاد و صحافی رہے ہیں۔ انکی زندگی قلم و کتاب سے وابستہ رہی۔ اس کتاب میں انہوں نے اپنی زندگی کے مشہور لوگوں کے شاندار خاکے تحریر کیے ہیں۔ آپ ان کی اس کلیکشن میں شان الحق حقی، طاہر لاہور، شریف کنجاہی کے علاوہ اور بہت سی ادبی شخصیات کے بارے میں جانیں گے۔ پڑھیں جناب۔

فیروز مکر جی کا فن پاکستان میں زیادہ نہیں جانا جاتا۔ وہ لندن میں رہتی ہیں، مگر ان کا دل برصغیر پاک و ہند کی عورت کے ساتھ ہی دھڑکتا ہے۔ ان کی یہ کتاب نہ صرف آپ کو جنوبی ایشائی خطے، بلکہ وہ جہاں رہتی ہیں، وہاں کے انسانوں کی کہانیاں بھی سناتا ہے۔ یہ دلچسپ اور پڑھی جانے والی کتاب ہے۔ پڑھیے دوست۔

اجمل کمال آپ کے لیے لائے ہیں اک بار پھر اپنے انتخاب سے عربی کہانیاں۔ شاندار ترجمہ جو آپ کو کتاب میں دلچسپی کے ساتھ انگیج رکھے گا۔ اس کتاب کو پڑھیے اور یوسف ادریس، زکریا تامر، الیفہ رفعت، نبیل جورجی اور طیب صالح کے علاوہ اور بہت سے عربی لکھاریوں کے اسلوب کا لطف لیجیے۔ یاد رکھیں گے، دوست۔

کرشن چندر شاندار ناول اور افسانہ نگار تھے۔ وہ انڈیا کے بٹوارے کا زخم ساری عمر اپنے دل میں لیے زندہ رہے۔ ان کی تحاریر بنیادی طور پر انسانی ٹریجڈیز کے گرد گھومتی ہیں۔ ناول یا افسانے، کرشن چندر ہمیشہ سے ہی پڑھنے والے لکھاری رہے ہیں اور رہیں گے۔ پڑھیے جناب۔

ناطق نثرنگار تو شاندار ہیں ہی، شاعری بھی خوب کرتے ہیں۔ شاعری تو ویسے بھی نازل ہونے والی صنف ہے تو اسی عدسہ سے آپ ناطق کی نثر کو بھی جان سکتے ہیں۔ خوبصورت باتوں اور جذبات کی عکاس کتاب جس میں مختصر اور تھوڑا طویل بیان آپ کو مسحور رکھے گا۔ پڑھیے اور جھولا لیجیے۔

بورس پاسترناک، روسی انقلاب سے جنم لینے والی اک لازوال داستان لکھتے ہیں۔ وہ انقلاب کہ جس نے لاتعداد انسانوں کی زندگیاں ہمیشہ کے لیے بدل ڈالیں۔ لوگ انقلاب تو لے آئے، مگر اسی انقلاب نے انہیں بےشمار دکھ بھی دے ڈالے۔ رؤف کلاسرا کے ترجمہ نے ڈاکٹر ژواگو کو اردو میں بھی لازوال کر ڈالا۔ پڑھیے جناب، پڑھیے!

اس کتاب میں ڈاکٹر نجیبہ عارف نے ممتاز مفتی صاحب کے ان افسانوں کا تجزیہ کیا ہے جو ان کے نزدیک کوئی نہ کوئی روحانی جہت رکھتے ہیں۔ وہ کہتی ہیں کہ اس کتاب کا تعارف لکھتے اور افسانوں کا تجزیہ کرتے "مجھ پر بہت دلچسپ انکشافات ہوئے۔" ممتاز مفتی کو پڑھنے والے، یہ کتاب پڑھ کر ان کی روحانی جہت کو سمجھ سکیں گے۔

محمد الیاس اردو کہانی نویسی اور ناول نگاری میں بڑا مقام رکھتے ہیں۔ یہ ان کے افسانوں کا مجموعہ ہے اور ان افسانوں کا موضوع وہی پرانا ہے: انسان، معاشرتی تضادات اور پاکستانی معاشرت میں موجود پسے ہوئے طبقات کی مسلسل چہد و بےچارگیاں جنہیں وہ ساری عمر سہتے رہتے ہیں۔ حساس مگر پڑھنے کی بہترین تحاریر ہیں۔