Sir Syed Sentalees Sector Incharge - سرسید سینتالیس سیکٹر انچارج

 تاریخ، اور بالخصوص اسلام سے جڑے ہوئے معاملات کی تاریخ پر مولانا وحید الدین بہت گہری رکھتے تھے۔ ان کا کمال یہ تھا کہ طوالت سے بچتے ہوئے، بہت مشکل معاملات کو سادہ الفاظ میں اختصار کے ساتھ بیان کر ڈالا۔ ہمارا اصرار ہے کہ تاریخ سے جڑی ان کی تمام کتب کا مطالعہ شعور اور فہم کی پختگی کے لیے ضروری ہے۔

یہ فیودور دستوئیفسکی کا آخری ناول ہے جسے دُنیا کے ہر نقاد نے عظیم ترین ناولوں میں شمارکیا۔ ناول کا ہیرو الیوشا روسی قومیت اور مذہبیت کی اعلیٰ ترین پیداوار ہے اور اسے اپنی سرزمین اور ماحول سے بہت گہرا اور سچا لگاؤ ہے۔ اردو میں اسے شاہد حمید صاحب نے امر کر دیا۔ روسی ادب کا لیجنڈ ہے؛ پڑھیے جناب۔

درخت زندہ ہوتے ہیں، یہ ہم سب جانتے ہیں۔ درختوں سے کیا باتیں کی جا سکتی ہیں، یہ اسد سلیم شیخ صاحب ہم سے کہیں بہتر جانتے ہیں۔ اپنے خطے کے ان درختوں کے بارے میں اک فرسٹ پرسن گفتگو پڑھیے جو آپ کو اپنے بچپن کے مناظر اور یادوں میں لے جائیں گی۔ ہمارے علاقوں کے یہ درخت ہم سے روٹھ رہے ہیں۔ انہیں منا لیجیے!

یہ چوتھے خلیفہ المسلمین، حضرت علی رضی اللہ تعالیٰ عنہ کی باتیں ہیں۔ یہ ان کی زندگی کے تجربات پر مبنی وہ باتیں ہیں جو آپ کو اپنی ہر مشکل گھڑی میں حوصلہ دیں گی؛ کام آئیں گی۔ اسے پڑھیے اور اپنے گھر کی زینت بنائیے۔

ہمارا ماننا ہے کہ اس ناول کو اردو ادب میں وہ مقام نہ مل سکا جو ملنا چاہیے تھا۔ یہ ناول پاکستان کے دیہی معاشرے کے پس منظر میں تحریر کیا گیا ہے۔ آپ کو اس میں شہباز خان کا بہت بھرپور کردار پڑھنے کو ملے گا، بہت ہی بھرپور۔ معاشرتی تضادات اور اس میں مذہب و سرکار کا کردار۔۔۔پڑھنے کی کتاب ہے صاحبو۔

پالو کوہیلو کا شاندار ناول اور پھر فہیم احمد صابری صاحب کا بہترین ترجمہ۔ انسانی زندگی کی کہانی جہاں اک شخص کو سوئٹزرلینڈ میں برازیل کی اک طوائف سے محبت ہو جاتی ہے۔ کتاب میں بہت سے صفحات ایسے ہیں جہاں آپ لکھا ہوا جادو پڑھ رہے ہوتے ہیں۔ پالو کوہیلو کو مس نہ کیا کیجیے۔ کبھی بھی۔

ویسے کیا ہی زمانہ تھا جب راجندر سنگھ بیدی، ٹیگور، چندر، چغتائی، منٹو، پریم چند اور ان جیسے دوسرے لکھاری کم و بیش ایک ہی دور میں حیات تھے۔ اس کتاب میں بیدی کے 13 بہترین افسانوں کا مجموعہ ہے آپ کے لیے جو ہمارے خیال میں آپ کو پڑھنا چاہیے۔ پڑھیے جناب۔

بھئی سچی بات ہے کہ ہمیں تو سکندر "اعظم" محسوس نہیں ہوتے، مگر کیا کیجیے کہ عرف عام میں انہیں اعظم ہی کہا اور لکھا جاتا ہے۔ ہمارے لیے تو اعظم "راجہ پورس" ہیں اور تاقیامت رہیں گے۔ اس کا مطلب یہ نہیں کہ سکندر کے بارے میں پڑھا ہی نہ جائے۔ کتاب اٹھائیے اور پڑھ لیجیے۔ کوئی روک تو نہیں رہا ناں۔

یہ مختصر کتاب منٹو کے مطالعے کو ایک نیا رُخ عطا کرتی ہے۔ مصنف نے منٹو کی بات کو آج کے افسانے کے درمیان لا کر رکھ دیا ہے۔ یہ منٹو کے حوالے سے محض اک اور کتاب نہیں، بلکہ اس کے وسیلے سے منٹو فہمی کا ایک نیا دریچہ کھلتا ہے۔ پڑھیے اور منٹو کے فن، اس کے متن کو جانیے، سمجھیے۔

پڑھیے عمران نذیر چوہدری جن کا تعلق تو پاکستانی پنجاب سے ہے، مگر وہ کینیڈا جا بسے۔ وہاں چلے تو گئے، پاکستان اور پنجاب ان کے دل میں ابھی بھی بستا ہے، ساری عمر بسے گا۔ یہ کتاب ان کے ذاتی تجربات کا احاطہ کرتی ہے جن کو انہوں نے حقیقت اور پھر فکشن کے انداز میں بھی بیان کیا ہے۔ پرلطف و مختصر کتاب ہے۔

اس کتاب میں کسی بڑے آدمی کی کوئی کہانی نہیں۔ اس میں کسی وزیراعظم، کسی صدر، وزیر،مشیر، سفیر، سرکاری بابوؤں یا ارب پتیوں کی کہانیاں نہیں۔ ان سے دوستیوں، میل میلاپوں کی داستانیں نہیں۔ اس کتاب میں عام، لاچار،بے بس انسانوں کی داستانیں ہیں۔ پڑھیے اور ان کے دکھ سکھ میں سانجھ کیجیے۔

نیر مسعود کے گیارہ افسانے اور وہی بیان و اسلوب جس کی وجہ سے وہ افسانہ نگاری میں اپنا اک خاص مقام رکھتے ہیں۔ تو پڑھیے اور ان کے ساتھ سماج اور اس میں بسنے والے کرداروں کو جاننے کے سفر پر ان کے ہمراہ چلیے۔ وہ اپنے مشاہدے سے آپ کو ان کرداروں سے ملوائیں گے جو آپ کے آس پاس ہیں، مگر شاید آپ نہیں جانتے۔

احمد بشیر پاکستان کے بہت سچے کھرے اور صاف گو صحافی اور لکھاری تھے۔ یہ ان کی زندگی کے حقیقی واقعات اور کرداروں کا بیان کردہ ناول ہے۔ یہ ناول آپ کو پاکستانی تاریخ سے بہت دلچسپ انداز میں متعارف بھی کروائے گا اور آپ کو کئی مقامات پر ہلا بھی دے گا۔ سچ ایسا ہی کرتا ہے۔ یہ آپ کو لازما پڑھنا چاہیے جناب۔

دنیا حیرت انگیز معاملات، موجودات اور خیالات کا "عجائب خانہ" ہی تو ہے۔ تو آئیے، اس گھن چکر میں عرفان جاوید کے ساتھ سفر کیجیے۔ یہ منفرد تحاریر زندگی کی ایسی گُتھیوں کو سلجھاتی نظر آتی ہیں جنہیں ہم عام زندگی کی روٹین میں کبھی سوچتے بھی نہیں۔ یہ کتاب پڑھیے۔ یہ آپ کو بہت سارے صفحات پر چونکائے رکھے گی۔

سلطنت عثمانیہ بلاشبہ مسلمانوں کی سیاسی اور فوجی تاریخ کا اک اہم حصہ رہی ہے۔ اس سلطنت کی سرحدیں اپنے مرکز، ترکی  کے چاروں طرف پھیلی ہوئی تھیں۔ یہ کتاب پڑھیے اور جانیے کہ اس عظیم سلطنت کی ابتدا، عروج اور پھر زوال کی کیا داستان رہی۔ تاریخ پڑھنا، حال سے جوڑے رکھتا ہے۔ پڑھیے جناب۔

منشی پریم چند نے سادہ زندگی بسر کی اور ویسی ہی تحاریر بھی اپنے قارئین تک لاتے رہے۔ انہیں بہت سادگی سے زندگی کی پیچیدگیوں پر تبصرہ کر دینے کا کمال حاصل تھا۔ ان کے تقریبا تمام شہرہ آفاق افسانے اس کتاب کا حصہ ہیں۔ آرڈر کیجیے اور پڑھیے جناب۔