Char Chand - چار چاند

یہ مختصر کتاب اختر حامد خاں کی زندگی کا احاطہ کرتی ہے۔ اس میں وہ اپنے ذاتی اور لوگوں کے ساتھ اپنے تجربات اور سبق شئیر کرتے ہیں۔ کتاب کے آخری تین چار صفحات آپ کو بہت چونکا دیں گے کیونکہ یہ ان کی زندگی کا سبق ہیں۔ وہ 1921 میں پیدا ہوئے اور یہ کتاب 2000 میں چھپی۔ پڑھیے اور ان کے تجربہ سے سیکھیے دوست۔

یہ منیر نیازی مرحوم کی شاعری کی کتاب ہے۔ یہی اسکا تعارف ہے۔ ہمیں اور کچھ لکھنا بھی نہیں، جناب۔ پڑھیے، پڑھتے رہیں۔

ارشد محمود پاکستان کے ترقی پسند دانشور ہیں اور اپنی اس کتاب میں پاکستانی معاشرے میں موجود مختلف قسموں کی گھٹن کا اک بےلاگ تجزیہ کرتے ہیں۔ وہ ہمارے معاشرے میں موجود گھٹن کو مختلف سائنسی اور تاریخی حوالہ جات سے اپروچ اور بیان کرتے ہیں۔ پاکستانی معاشرے کے رویوں کو سمجھنے کے لیے بہت عمدہ پڑھائی ہے۔

یہ کتاب علی سجاد شاہ کی اک سرتوڑ کاوش کہلوائی جا سکتی ہے۔ ذاتی نقصان اور روح کو توڑ دینے والے اک تجربہ کے بعد، علی نے خود کو تخلیقی ایکسپریشن میں گویا غرق کرنے کا جو سفر شروع کیا تھا، یہ اس کا آغاز تھا۔  راکھ ہونے کے بعد، دوبارہ جی اٹھنے کی ضد ہے یہ کتاب۔ پڑھیے اور جانیے، جناب۔

شمس الرحمٰن فاروقی ہوں اور موضوع "چچا غالب" ہوں، کتاب تو پھر معجزہ ہی کہلوائے گی۔ ساری دنیا میں اردو پڑھنے والوں کے مشترکہ چچا، غالب، سے شناسائی بڑھانے کا اس سے بہتر وسیلہ شاذ ہی ممکن ہو سکتا تھا جو فاروقی صاحب تخلیق کر گئے۔ غالب کا نام سن رکھا ہے تو یہ کتاب تو پھر آپ پر پڑھنا فرض ہے۔

اردو ادب میں سماج میں عورت کے مقام کے حوالے سے پراپر بغاوت کرنے والی اولین لکھاریوں میں سے ایک عصمت چغتائی بھی ہیں۔ وہ اپنے زمان و مکاں کے حوالے سے بہت دلیری سے بہت کچھ تحریر کر گئیں۔ یہ ان کی شخصیت کا تو عکس ہے ہی، ہمارے سماج میں عورت کی کہانیاں بھی ہیں۔ پڑھیے جناب۔

یہ دوسرے خلیفہ المسلمین رضی اللہ تعالیٰ عنہ کی باتیں ہیں۔ یہی تعارف کافی ہے۔

یہ ایوان ترگنیف کا عالمی شہرت یافتہ شاہکار ہے جو 1862 میں چھپا۔ یہ اپنے وقت کی نوجوان نسل کی نمائندگی کرتا ادبی شہ پارہ ہے اور روسی ادب کا پہلا جدید ناول سمجھا جاتا ہے۔ ناول کا سارا پلاٹ صرف دو ماہ پر محیط ہے۔ انور عظیم کا ترجمہ کردہ یہ شاہکار لازمی پڑھیے اور ہر دور کی بدلتی نسل کا کیمیا جان جائیے۔

یہ منیر نیازی مرحوم کی شاعری کی کتاب ہے۔ یہی اسکا تعارف ہے۔ ہمیں اور کچھ لکھنا بھی نہیں، جناب۔ پڑھیے، پڑھتے رہیں۔

پڑھیے تذکرہ آقامحمدﷺ کی پاک مجالس کا اور ان محفلوں میں بیٹھنے والے خوش نصیب اعلیٰ مقام لوگوں کا۔ یہ کتاب آقاؐ کے حوالے سے بہت کچھ سکھاتی تو ہے ہی، ساتھ میں ان اولین دنوں کی تاریخ بھی بیان کرتی ہے جس میں آپ کو بہت سے خوبصورت حوالہ جات بھی ملیں گے۔ یہ کتاب آپ کو معطر رکھے گی۔ وعدہ ہے۔

یہ شاندار کتاب ستار طاہر صاحب کا انمول تحفہ ہے اور آپ کو  تاریخی علم اور کتب کی تاریخ اور ارتقاء کے بارے میں رہنمائی فراہم کرے گی۔ یہ کتاب آپ کو بھرپور مشاہدہ عطا کرتی ہے اور آپ ہزاروں برسوں پر محیط دانش کی لازوال کتابوں کی دنیا میں داخل ہو جاتے ہیں۔ پڑھیے اور ان گنت کتب کے بارے میں جانیے۔

مولانا وحید الدین اختصار کے ساتھ پیچیدہ معاملات کو بیان کرنے کے بادشاہ ہیں۔ ان کی نظر تاریخ، اور بالخصوص اسلام سے جڑے ہوئے معاملات کی تاریخ پر بہت گہری تھی۔ ان کی تحاریر صرف مسلمانوں کے لیے ہی نہیں، بلکہ تمام انسانوں کے لیے آسانیاں بانٹتی نظر آتی ہیں۔ انہیں پڑھا کیجیے بہت فائدہ میں رہیں گے!

علی اکبر ناطق- کی کیا ہی بات ہے۔ شاعر عمدہ، نثر نگار بھی شاندار۔ یہ ان کی نظموں کی کتاب ہے۔ آپ کو پڑھنا تو پڑے گی اور اس کے لیے ان کا اک شعر، اسی کتاب سے آپ کی نذر ہے: وہ چل پڑے تو زندگی کا نور پھیلنے لگا، جو رک گئے تو تھم گئی ہے نبض کائنات کی! ناطق کو کبھی بھی مِس نہ کیا کیجیے؛ کبھی بھی!

جنرل مرزا اسلم بیگ پاکستان کے آرمی چیف رہے اور پاکستان کے بہت سارے رازوں کے امین بھی ہیں۔ انہوں نے اقتدار اور طاقت کو بہت قریب سے دیکھا اور خود اس کا بھرپور اور طویل تجربہ بھی کیا۔ یہ کتاب انہی کے تجربات پر مبنی ہے اور پاکستانی تاریخ کے کئی ابواب پر سے پردہ ہٹاتی ہے۔ لازمی پڑھیے۔

یہ مختصر کتاب منٹو کے مطالعے کو ایک نیا رُخ عطا کرتی ہے۔ مصنف نے منٹو کی بات کو آج کے افسانے کے درمیان لا کر رکھ دیا ہے۔ یہ منٹو کے حوالے سے محض اک اور کتاب نہیں، بلکہ اس کے وسیلے سے منٹو فہمی کا ایک نیا دریچہ کھلتا ہے۔ پڑھیے اور منٹو کے فن، اس کے متن کو جانیے، سمجھیے۔

یہ ہمارے آقا محمد مصطفےٰ ﷺ کی باتیں ہیں۔ یہی تعارف کافی ہے۔