Reference:
کشور ناہید صاحبہ کی یہ کتاب ان کے تاثرات پر مبنی ہے جو انہوں نے دنیا کے لکھاریوں اور محققین کے بارے میں تحریر کیے ہیں۔ آپ کو اس کتاب میں جہاں ادب، تحقیق اور صحافت کے "دیوؤں" کا تذکرہ ملتا ہے، وہیں آپ کو ان کے بارے میں لکھاری کے جذبات اور تاثرات بھی پڑھنے کو ملتے ہیں۔ یہ بہت عمدہ پڑھنے والی کتاب ہے۔
Package Delivery:
Within 1-3 working days.
Received Damaged/Wrong Package?
No worries! Report within 24 hours.
کشور ناہید صاحبہ کی یہ کتاب ان کے تاثرات پر مبنی ہے جو انہوں نے دنیا کے لکھاریوں اور محققین کے بارے میں تحریر کیے ہیں۔ آپ کو اس کتاب میں جہاں ادب، تحقیق اور صحافت کے "دیوؤں" کا تذکرہ ملتا ہے، وہیں آپ کو ان کے بارے میں لکھاری کے جذبات اور تاثرات بھی پڑھنے کو ملتے ہیں۔ یہ بہت عمدہ پڑھنے والی کتاب ہے۔
ایملی برانٹے کا یہ ناول 1846 کی تحریر ہے اور وقت گزرنے کے ساتھ ساتھ اس کے انسانی بیانیے کی وحشیانہ سچائی مزید ابھر کر سامنے آتی جا رہی ہے۔ یہ عشق اور آبسیشن کی داستان ہے؛ پاگل کردینے والا منفی عشق جو انسانوں کو وحشیوں کی لائن میں کھڑا کر دیتا ہے۔ سیف الدین حسام کا شاندار اور لازوال ترجمہ ہے۔ پڑھیے۔
طاہرہ اقبال نے بالخصوص خواتین کے حوالے سے بہت عمدہ تحاریر پیش کی ہیں۔ خود بھی اک خاتون ہونے کے ناطے سے، پاکستانی معاشرے میں خواتین کو درپیش مسائل کو وہ کہیں بہتر سمجھ اور بیان کر سکیں۔ یہ ان کے افسانوں کی کتاب ہے اور آپ کو خواتین سے جڑے مسائل پر لکھے ادب کی دنیا کی سیر کروائے گی۔ پڑھیے دوست۔
بِن ماں کی بچی، پاکیزہ، کی زندگی کے سفر میں اس کے ساتھ چلیے۔ سر پر مخلص رشتوں کا سایہ اور چھت نہ ہو تو زندگی میں کیا کچھ بیت جاتا ہے، یہ پڑھیے۔ مریم جہانگیر کا یہ ناول ان حقائق تک آپ کو لے جائے گا جو ہمارے ذہنوں میں کہیں موجود تو رہتے ہیں، مگر ہم سیدھا پڑھنے سے کتراتے ہیں۔ حقیقت پڑھیے جناب، حقیقت۔
دینہ میں پیدا ہونے والے سمپورن سنگھ کالرا سے کون واقف نہیں جو اردو کو نجانے کب سے "گلزار" بنائے ہوئے ہیں۔ ان کے کسی تعارف کی کوئی ضرورت بھی ہے بھلا؟ یہ ان کے تحریر کردہ شخصی خاکوں کی کتاب ہے۔ پڑھیں گے تو ان کی نثر کے جادو اور نشے میں جھومتے رہیں گے۔
پالو کوہیلو کا شاندار ناول اور پھر فہیم احمد صابری صاحب کا بہترین ترجمہ۔ انسانی زندگی کی کہانی جہاں اک شخص کو سوئٹزرلینڈ میں برازیل کی اک طوائف سے محبت ہو جاتی ہے۔ کتاب میں بہت سے صفحات ایسے ہیں جہاں آپ لکھا ہوا جادو پڑھ رہے ہوتے ہیں۔ پالو کوہیلو کو مس نہ کیا کیجیے۔ کبھی بھی۔
یہ فیودور دستوئیفسکی کا آخری ناول ہے جسے دُنیا کے ہر نقاد نے عظیم ترین ناولوں میں شمارکیا۔ ناول کا ہیرو الیوشا روسی قومیت اور مذہبیت کی اعلیٰ ترین پیداوار ہے اور اسے اپنی سرزمین اور ماحول سے بہت گہرا اور سچا لگاؤ ہے۔ اردو میں اسے شاہد حمید صاحب نے امر کر دیا۔ روسی ادب کا لیجنڈ ہے؛ پڑھیے جناب۔
سید محمد اشرف بھارت میں رہنے والے اردو ناول اور افسانہ نگار ہیں۔ یہ اک نیم تاریخی اور نیم سوانحی ناول ہے جس نے پرصغیر پاک و ہند کی گنگا جمنی تہذیب کو اپنا موضوع بنایا اور بہترین انصاف کیا۔ یہ اس خطے، بالخصوص بھارت میں مسلمانوں کو زمانہءحال کا حقیقی چہرہ دکھانے کی کوشش کرتا ہے۔ پڑھنے والا ہے۔
مسلم تصوف کی تاریخ ان دو اولیا کے تذکرہ کے بغیر مکمل ہو ہی نہیں سکتی۔ رومی و سعدی نے پوری دنیا کے مسلمانوں کو اپنے عشق، جذب، کلام و حکایات سے مبہوت کیے رکھا اور یہ سلسلہ تاقیامت جاری رہے گا۔ دوست، اس کتاب کو پڑھیے کہ یہ پڑھنے کی شے ہے۔
پڑھئے آفتاب اقبال شمیم کے کلیات، مختلف طرز اور طریقوں میں۔ یہ اک بھرپور اک ان کے کلام کی تقریبا مکمل کتاب ہے تقریبا مکمل اس لیے کہ شاعر صرف وہ ہی نہیں کہتا جو چھپا ہوتا ہے۔ شاعر تو اپنی دھن اور موج میں بہت کچھ کہے چلے جاتا ہے۔ جو چھپ جاتا ہے، وہ غنیمت رہتا ہے۔ اس کتاب کو مِس نہ کیجیے جناب۔
یہ صدیق عالم کا چوتھا ناول ہے جو 38 گھنٹے کی مدت کا انڈین احوال آپ کے سامنے لا کھڑا کرتا ہے۔ یہ تیزی سے بدلتے ہوئے انڈین سماج میں معیشت، عدلیہ، فوج، مذہبی جنون، پولیس اور میڈیا پر اک پیچیدہ مگر بہت دلچسپ بیانیہ آپ تک لاتا ہے۔ یہ مختصر ناول آپ اک فہرست میں پڑھ لیں گے کیونکہ یہ بہت دلچسپ ہے۔
مشہور ایرانی مصنف، صادق ہدایت کا ترجمہ شدہ مختصر مگر شاندار ناول پڑھیے۔ اس لیے بھی پڑھیے کہ یہ اجمل کمال صاحب کا اپنا کیا ہوا ترجمہ ہے۔ یہ اک تنہا شخص کی کہانی ہے جو اپنی زندگی اور تخلیق کو کاغذ پر منتقل اس لیے کر رہا ہے کہ زندگی اور مرنے کے بعد اپنی پہچان پا سکے۔ یہ فارسی ادب کی شاندار کتاب ہے۔
دل کو گداز کرنا ہے آج کے دن تو یہ کتاب خرید لیجیے۔ محمد حفیظ خان بڑے موضوعات سے کہیں زیادہ دلچسپی انسانی زندگی کے چھوٹے چھوٹے معاملات میں لیتے ہیں۔ چھوٹی چھوٹی یادوں کے موضوعات پر بُنی گئی یہ کتاب آپ کو پڑھنے کا لطف دیتے ہوئے آپ کے دل پر انسانی موضوعات کے حوالے سے مسلسل دستک دیتی رہے گی۔
عرفان جاوید کے بارے میں کہا جاتا ہے کہ وہ اک زندگی میں ہی کئی زندگیاں جی رہے ہیں۔ وہ شاندار نثر نگار ہیں۔ یہ کتاب ان کے مختصر افسانوں کا مجموعہ ہے۔ آپ کو معاشرے کے تضادات اور متفرقات کا بہت دلچسپ انداز میں تعارف کرواتی ہے۔ پڑھیں گے تو جانیں گے کہ معاشرے میں لوگ کیسے کیسے دلچسپ پہلو لیے پھرتے ہیں۔
اس کتاب میں ڈاکٹر نجیبہ عارف نے ممتاز مفتی صاحب کے ان افسانوں کا تجزیہ کیا ہے جو ان کے نزدیک کوئی نہ کوئی روحانی جہت رکھتے ہیں۔ وہ کہتی ہیں کہ اس کتاب کا تعارف لکھتے اور افسانوں کا تجزیہ کرتے "مجھ پر بہت دلچسپ انکشافات ہوئے۔" ممتاز مفتی کو پڑھنے والے، یہ کتاب پڑھ کر ان کی روحانی جہت کو سمجھ سکیں گے۔
یہ مختصر کتاب منٹو کے مطالعے کو ایک نیا رُخ عطا کرتی ہے۔ مصنف نے منٹو کی بات کو آج کے افسانے کے درمیان لا کر رکھ دیا ہے۔ یہ منٹو کے حوالے سے محض اک اور کتاب نہیں، بلکہ اس کے وسیلے سے منٹو فہمی کا ایک نیا دریچہ کھلتا ہے۔ پڑھیے اور منٹو کے فن، اس کے متن کو جانیے، سمجھیے۔
یہ چوتھے خلیفہ المسلمین رضی اللہ تعالیٰ عنہ کی باتیں ہیں۔ یہی تعارف کافی ہے۔
