Reference:
ثمینہ نذیر اک جانا ہوا نام ہیں۔ شاندار ڈرامہ نگار ہیں۔ پاکستانی معاشرت میں خواتین کے مقام و حیثیت کے حوالے سے وہ مسلسل لکھتی اور گفتگو کرتی رہتی ہیں۔ یہ کتاب بھی ان بےچہرہ عورتوں کی کہانی ہے جنہیں کوئی نہیں جانتا، مگر ان کے مقام کے حوالے سے سب جانتے بھی ہیں۔ شاندار اردو تانیثیت ہے؛ پڑھیے جناب۔
Package Delivery:
Within 1-3 working days.
Received Damaged/Wrong Package?
No worries! Report within 24 hours.
ثمینہ نذیر اک جانا ہوا نام ہیں۔ شاندار ڈرامہ نگار ہیں۔ پاکستانی معاشرت میں خواتین کے مقام و حیثیت کے حوالے سے وہ مسلسل لکھتی اور گفتگو کرتی رہتی ہیں۔ یہ کتاب بھی ان بےچہرہ عورتوں کی کہانی ہے جنہیں کوئی نہیں جانتا، مگر ان کے مقام کے حوالے سے سب جانتے بھی ہیں۔ شاندار اردو تانیثیت ہے؛ پڑھیے جناب۔
یہ نیلم احمد بشیر کے افسانوں کی سب سے پہلی کتاب تھی اور اپنے زمان و مکاں میں بہت مختلف طریقے سے دیکھی گئی۔ وہ خود اک خاتون ہیں تو انہوں نے عورت کی نظر اور زاویہ سے اپنے مشاہدات و تجربات کو عمدہ کہانیوں میں ایسے ڈھالا کہ کئی دھائیوں بعد بھی یہ کہانیاں ریلیوینٹ ہیں۔ پڑھیے جناب اور پڑھتے رہیے۔
تارڑ صاحب کے سفرنامے بھی ادبی ٹچ لیے ہوتے ہیں اور انہیں پڑھنے والا ان کے ساتھ ساتھ ان جگہوں کی سیر تو کرتا ہی ہے، ان کے ایکسپریشن کا لطف بھی ساتھ ہی اٹھائے چلے جاتا ہے۔ کیا آپ ان کے ساتھ ویت نام جانا چاہیں گے؟ کیوں نہیں بھئی! تو پھر پڑھیے جناب۔
اگر آپ اردو ادب پڑھتے ہیں اور اخلاق احمد کے نام سے واقف نہیں تو جناب، ہمیں یہ کتاب آپ کو فروخت کرنا بھی نہیں۔ بلکہ حیرت ہے کہ آپ اگر افسانہ پڑھنے والے ہیں اور آپ انہیں پڑھنے سے تاحال محروم ہیں؟ اتنا کہنا ہی کافی ہے کہ شکیل عادل زادہ ان کی تعریف کرتے ہیں۔ پڑھیں، پڑھیں، پڑھیں!
رومی کا تذکرہ ہو، اور شمس تبریز کا ذکر نہ آئے۔ شمس تبریز کا تذکرہ ہو اور رومی کا ذکر نہ آئے؛ کیا یہ ممکن ہے؟ اس مختصر، مگر دلچسپ کتاب میں عبدالمالک آروی آپ کو ان دونوں کے استاد-شاگرد تعلق اور پھر اس کی روحانی جہتوں میں لیے چلتے ہیں۔ تصوف، بالخصوص اسلامی صوفی ازم سے دلچسپی رکھنے والے تو لازمی پڑھیں۔
پڑھیے رؤف کلاسرہ کے قلم سے پاکستانی سیاست کے مرکزی کرداروں کے بارے میں اور پاکستانی سیاست کے بارے میں بھی کہ درون خانہ یہ کیسے چلتی ہے۔ چوہدری شجاعت، جنرل علی قلی خان، آفتاب احمد شیرپاؤ، آصف علی زرداری اور بہت سے دیگر سیاسی کرداروں کے بارے میں جانیے۔ پڑھنے والی کتاب ہے جناب۔
یہ کتاب آقا محمدﷺ کے فرمودات پر مبنی ہے۔ اور بس یہی تعارف کافی ہے۔ پڑھیے جناب۔
قونیہ کے رومی سے دنیا کے ہر کونے کے لوگ محبت کرتے ہیں اور صدیوں سے ان کی حکایات، اشعار اور کلام تمام مذاہب اور ثقافتوں کے لوگوں کو مبہوت کرتے چلے آ رہے ہیں۔ یہ سلسلہ تاقیامت جاری رہے گا۔ آپ نے اگر یہ کتاب رومی کے حوالے سے نہیں پڑھی، تو پڑھیے۔ رومی کو جانیے۔ جانیں گے، تو مانیں کے!
مسعود مفتی کبھی سرکاری افسر تھے۔ انہوں نے اپنی ملازمت اور پاکستانی تاریخ کے مشاہدات کو ہی اپنے افسانوں کا موضوع بنایا اور "زندہ تاریخ کا حصہ بنانے کی کوشش کی۔" وہ بہت دھیمے لہجے میں گہری بات کہنے کے عادی ہیں۔ ان کا اتنا تعارف ہی اس کتاب کے معیار کی دلیل ہو جانا چاہیے۔ نہیں؟ پڑھیں گے تو جانیں گے۔
اس دنیا میں جب جب سچ کی بات ہو گی، تب تب سقراط کا تذکرہ ہو گا۔ یونان کے اس عظیم فلسفی کے بارے میں پڑھیے اور جانیے کہ ان کی زندگی کے حالات کیا تھے اور ان کے اختتامی واقعات بھی کیسے رہے۔ یہ صرف تاریخ ہی نہیں، خود کی بہتری کرنے کی بھی شاندار کتاب ہے۔ لازمی پڑھی جانی چاہیے۔
دل کو گداز کرنا ہے آج کے دن تو یہ کتاب خرید لیجیے۔ محمد حفیظ خان بڑے موضوعات سے کہیں زیادہ دلچسپی انسانی زندگی کے چھوٹے چھوٹے معاملات میں لیتے ہیں۔ چھوٹی چھوٹی یادوں کے موضوعات پر بُنی گئی یہ کتاب آپ کو پڑھنے کا لطف دیتے ہوئے آپ کے دل پر انسانی موضوعات کے حوالے سے مسلسل دستک دیتی رہے گی۔
یہ ناول، اس میں بیان کردہ کہانی آپ کو بہت عرصہ گداز رکھے گی۔ انسانی رشتوں، بالخصوص محبت، وچھوڑے اور اس سے جڑے وہ انسانی جذبات جو انسانوں کو عموما حالات کے رحم و کرم پر لیے پھرتے ہیں؛ ان کا تذکرہ آپ کو اداس کرے گا، اور شاید آپ اس ناول کی کہانی میں اپنے سے جڑے لطیف جذبات میں مماثلت بھی تلاش کر لیں۔
یہ صرف ترکی ہی نہیں، مسلمانوں کی تاریخ کی اہم ترین کتاب بھی ہے۔ یہ کتاب سلیمان عالیشان، ذیشان کے بارے میں ہے اور ان کی زندگی کا احاطہ کرتی ہے۔ 26 برس کی عمر میں تخت نشین ہو کر، 50 برس تک شاندار حکومت و فتوحات کے وارث کی زندگی کے بارے میں پڑھیے اور جانیے کہ سلیمان، عالیشان کیسے بنے۔
یہ ایوان ترگنیف کا عالمی شہرت یافتہ شاہکار ہے جو 1862 میں چھپا۔ یہ اپنے وقت کی نوجوان نسل کی نمائندگی کرتا ادبی شہ پارہ ہے اور روسی ادب کا پہلا جدید ناول سمجھا جاتا ہے۔ ناول کا سارا پلاٹ صرف دو ماہ پر محیط ہے۔ انور عظیم کا ترجمہ کردہ یہ شاہکار لازمی پڑھیے اور ہر دور کی بدلتی نسل کا کیمیا جان جائیے۔
یہ جسٹس سید افضل حیدر کا خوبصورت محبتی بیان ہے، جناب حضرت میاں علی محمد خان (بسی شریف، ہشیار پور، انڈیا اور پھر پاک پتن شریف کے بارے میں۔ اس کتاب میں چشتیہ سلسلہ کے اِن بزرگ کے احوال و معمولات کا ذکر ہے۔ یہ روحانی محبت میں ڈوبی ہوئی بہت دھیمے مزاج کی کتاب ہے۔ پڑھیے جناب۔
یہ مختصر کتاب، شمس الرحمن فاروقی صاحب کا اردو پڑھنے اور اردو سے محبت کرنے والوں پر تاقیامت احسان ہے۔ کیا آپ جانتے ہیں کہ اردو کو ہندوی، ہندی، دہلوی، گجری، دکنی اور رٰیختہ بھی کہا جاتا رہا ہے؟ ایسے ہی بہت سے تاریخی پہلوؤں کو یہ کتاب آپ تک لے کر آتی ہے۔ شاندار کتاب ہے۔ پڑھتے ہوئے آپ حیران رہتے ہیں۔
ڈاکٹر اے بی اشرف کے نام سے زیادہ لوگ واقف نہیں۔ اس میں قصور لوگوں کا ہی ہے! ڈاکٹر صاحب معلم رہے ہیں تو انہوں نے اپنی کتاب میں اپنے معلم اور دیگر دوستوں کے شاندار اور دلچسپی سے بھرپور خاکے تحریر کیے ہیں۔ وہ کہتے ہیں کہ بڑے لوگ، صرف بڑے شہروں میں ہی نہیں ہوتے۔ چھوٹے شہروں اور قصبات والے لازمی پڑھیں۔
