There are 33 products.
اجمل کمال، کمال کے ادب دوست شخص ہیں۔ یہ ان کا کیا ہوا ترجمہ ہے جس کے اصل لکھاری کوشلیہ کمارسنگھے، سری لنکن ہیں۔ مختصر مگر بہت دلچسپ ناول ایک ہفتے کے بیان پر مشتمل ہے جو اس ناول کے کئی کرداروں سے پیش آتے ہیں۔ یہ سری لنکن نہیں، جنوبی ایشائی کہانی ہے۔ یہ ہم سب کی کہانی ہے۔ پڑھیے دوست۔ لازما۔
یہ حسن منظر کی کہانیوں کا پانچواں مجموعہ ہے اور آپ کو جذب کر لیتا ہے۔ اس کتاب میں ان کے لکھاری بن جانے کے ابتدائی دنوں کی بھی چار کہانیاں شامل ہیں۔ وہ دنیا گھومے ہوئے ہیں اور انسانوں اور معاشروں کی نفسیات کے طالبعلم ہیں، اور نفسیاتی معالج بھی۔ ان کی تحاریر کی بُنت بھی ایسی ہی ہے۔ پڑھیے دوست، پڑھیے۔
سکینہ جلوانہ کا تعلق بہاولپور سے ہے اور ان کی خصوصیت سادہ زبان اور سادے انداز میں اپنی بات کو کہہ ڈالنا ہے۔ وہ اسی اسلوب سے روزمرہ کی باتوں اور واقعات کی تصویریں بناتی ہیں۔ وہ اپنے فن کو بہت عمدہ جانتی ہیں اور یہی ان کی کہانیوں کی خوبی بھی ہے۔ ان کی کہانیاں پڑھیے دوست، لطف رہے گا!
نیر مسعود کے گیارہ افسانے اور وہی بیان و اسلوب جس کی وجہ سے وہ افسانہ نگاری میں اپنا اک خاص مقام رکھتے ہیں۔ تو پڑھیے اور ان کے ساتھ سماج اور اس میں بسنے والے کرداروں کو جاننے کے سفر پر ان کے ہمراہ چلیے۔ وہ اپنے مشاہدے سے آپ کو ان کرداروں سے ملوائیں گے جو آپ کے آس پاس ہیں، مگر شاید آپ نہیں جانتے۔
نیر مسعود کے قیمتی افسانے ہوں تو آپ کیوں نہیں پڑھیں گے بھلا؟ اس چھوٹی سی کتاب میں ان کے آٹھ چنیدہ افسانے ہیں اور وہ اپنے اسی طریق سے آپ کو اپنے مشاہدات اور اظہار کے سفر میں شریک کرتے ہیں، جو ان کا خاصہ ہے۔ یہ کتاب آپ کو بہت عمدہ کمپنی فراہم کرے گی، مگر آہ؛ کہ ایک ہی نشست کی کتاب ہے!
وطن عزیز میں ڈاکٹر اقبال سے محبت اور تنقید اب اک پاپولر مضمون بن چکا ہے۔ ہمارے ہاں عقیدت میں بات کو بڑھا چڑھا کر کرنے کا رواج بھی مل جاتا ہے۔ اجمل کمال کی یہ مختصر کتاب مگر بہت سنجیدہ اسلوب لیے ہوئے اس بات کی کوشش کرتے ہے کہ اقبال کو تلاشا جائے، مگر تراشے ہوئے میں سے نہیں۔ پڑھیں گے تو جانیں گے۔
یہ اک تہلکہ خیز کتاب ہے۔ یہ اجمل کمال کے اکٹھے اور ترجمہ کردہ 11 مضامین ہیں جو اپنی حیثیت میں ادبی تاریخ بھی ہیں۔ یہ دنیا کے گیارہ ممالک کے حالات، واقعات اور انسانوں کی نفسیاتی و ادبی تشریحات ہیں۔ پڑھیں اور سوویت یونین، برما، امریکہ، بھارت، افغانستان کو ایسے دیکھیں جیسے پہلے کبھی نہ دیکھا ہو گا۔
ابھی اردو پڑھنے والے جمیل عباسی کے نام سے زیادہ واقف نہیں۔ ہمارا مفت مشورہ ہے کہ ان پر نظر رکھیے۔ وہ تارڑ کے اسلوب پر ہیں۔ لکھتے رہیں گے تو شاندار نام کمائیں گے۔ سندھ کے دیہی علاقے سے ہیں اور تو عین انہی علاقوں کے انسانوں کی نمائندگی کرتی تحاریر آپ کے لیے لائے ہیں۔ سندھ پڑھیے، سندھ والوں کو پڑھیے۔
اجمل کمال کا ترجمہ ہے اور کمال ترجمہ ہے۔ یہ اک ادب اور کتاب دوست شخص کا ذاتی انتخاب ہے جو انہوں نے عالمی ادب سے خود کیا اور پھر خود ہی اس کا ترجمہ بھی۔ چلیے، ایران چلیے، کولمبیا، چیک ریپبلک اور دنیا کے دیگر ممالک میں وہاں کے تخلیقی ذہنوں کے ادب کو پڑھیے۔ بقول ہمارے اک کتاب دوست، یہ "مست" کتاب ہے!
ارے بھئی محمد خالد اختر کے نام سے کون سا ایسا اردو پڑھنے والا ہے جو واقف نہیں؟ سادہ اور رواں زبان کے استعمال میں ان کا اپنا اک مقام ہے۔ یہ ان کے دس مختصر سفر نامے ہیں۔ لکھاری جب سفر کرتا ہے، تو وہ صرف جگہیں ہی نہیں دیکھتا۔ وہ انسان و معاشروں کی کہانیاں بھی دیکھتا، اور لکھتا ہے۔ پڑھیے جناب۔
ملکہ پکھراج شاندار اور حوصلہ مند خاتون تھیں۔ یہ ان کی نسل کی عورت کی آواز ہے جو ان کی پوتی، فرازے سید نے مرتب کی، مگر تحریر تمام ملکہ پکھراج کی ہی ہے۔ وہ ان زمانوں کی بات کرتی ہیں جب عورت کی آواز کو دبانا لازم سمجھا جاتا تھا۔ یہ سچ ہے۔ اکل کھرا سچ۔ پڑھیے اور ان کے بارے میں جانیے۔
عتیق رحیمی اک افغان ہیں اور یہ ناول انہوں نے فرانسیسی زبان میں تحریر کیا جس کا شاندار ترجمہ ارجمند آرا نے کیا۔ یہ افغانستان کی کہانی ہے جس میں اک نوجوان بیوی اپنے اک شوہر کے ساتھ مخاطب جو ہے اپنی گردن پر گولی لگنے کے بعد سے کومہ میں ہے۔ پڑھنے کی کتاب ہے دوستو۔ آپ کو اداس کرے گی، مگر حقیقت ہے!
سوڈان کی شاندار ادبی سوغات پڑھیے جسے طیب صالح نے تحریر کیا اور اردو میں آپ کے ارجمند آرا لے کر آئیں۔ ساری دنیا میں دیہاتی زندگی کی کئی مماثلتیں ہوتی ہیں اور یہی کچھ آپ اس ناول کو پڑھتے ہوئے بھی محسوس کریں گے۔ یہ آپ کو اپنے آس پاس بکھری ہوئی کہانیاں سنائے گا۔ شاید اک آدھ آپ کی کہانی بھی ہو اس میں!
وہی نیر مسعود ہیں، وہی ان کا منفرد انداز بیاں اور وہی ان کے شاندار و مختصر افسانے۔ اس چھوٹی سی کتاب میں ان کے سات افسانے ہیں جو آپ کو اپنے آس پاس کے لوگوں کی کہانیاں سناتے ہیں۔ کیا معلوم کہ آپ جب اس کتاب کو پڑھیں تو کچھ کہانیاں آپ کو خود پر ہی بیتی ہوئی محسوس ہوتی ہوں۔ پڑھیے دوست۔
فیروز مکر جی کا فن پاکستان میں زیادہ نہیں جانا جاتا۔ وہ لندن میں رہتی ہیں، مگر ان کا دل برصغیر پاک و ہند کی عورت کے ساتھ ہی دھڑکتا ہے۔ ان کی یہ کتاب نہ صرف آپ کو جنوبی ایشائی خطے، بلکہ وہ جہاں رہتی ہیں، وہاں کے انسانوں کی کہانیاں بھی سناتا ہے۔ یہ دلچسپ اور پڑھی جانے والی کتاب ہے۔ پڑھیے دوست۔
نیر مسعود صاحب کا قلم ہو اور بیان ہو میر انیس کا، تو فن مرثیہ نگاری سے شغف رکھنے والوں کو یہ کتاب کیونکر نہیں بھائے گی؟ مرثیہ نگاری ہی نہیں، انیس بڑے پائے و مقام کے شاعر بھی تھے۔ انہوں نے شاندار تخلیقات کیں اور اردو ادب پر ان کا احسان تاقیامت رہےگا۔ ہر اردو پڑھنے والے کو یہ کتاب پڑھنی چاہیے جناب۔
حامد اختر خاں کئی مختصر مگر جامع کتابوں کے مصنف ہیں۔ ان کی یہ کتاب آپ کو ادب و تاریخ کے کئی کرداروں کا تعارف کرواتی ہے۔ تو آئئیے اور ملیں پروفیسر کرار حسین سے، علامہ مشرقی، فقیر بھائی، اور مولانا مودودی سے۔ یہ ان کی ملاقاتوں کے احوال ہیں اور آپ کو ان شخصیات سے بہترین متعارف کرواتے ہیں۔ پڑھیں دوست۔
اس کتاب میں اختر حامد خاں آپ کو پاکستان کی جانی پہچانی و تاریخی شخصیات کے بہت مختصر خاکے بیان کرتے ہیں۔ پڑھیے کہ وہ جنرل ضیا، قدرت اللہ شہاب، عصمت چغتائی، سلیم احمد، مولانا محمد علی جوہر کے بارے میں کیا کہتے ہیں۔ یہ بہت چھوٹی، ایک ہی نشست کی مگر دلچسپ کتاب ہے۔ پڑھیے۔
یہ مختصر کتاب اختر حامد خاں کی زندگی کا احاطہ کرتی ہے۔ اس میں وہ اپنے ذاتی اور لوگوں کے ساتھ اپنے تجربات اور سبق شئیر کرتے ہیں۔ کتاب کے آخری تین چار صفحات آپ کو بہت چونکا دیں گے کیونکہ یہ ان کی زندگی کا سبق ہیں۔ وہ 1921 میں پیدا ہوئے اور یہ کتاب 2000 میں چھپی۔ پڑھیے اور ان کے تجربہ سے سیکھیے دوست۔
لیجیے۔ اجمل کمال صاحب پھر آ گئے۔ اور اس مرتبہ "اچھی اردو" پر اپنے شریر لہجے میں کچھ کہنے کو آئے ہیں۔ یہ ان کے ہلکے پھلکے، تنقیدی اور آسانی سے پڑھے جانے والے مضامین ہیں جو اچھی اردو کا لطف آمیز آپریشن کرتے ہیں۔ آپ یہ کتاب پڑھیں گے تو اردو کی "عین قاف" کی مشکلات سے آزاد ہو جائیں گے۔ شروع کیجیے دوست۔
نیر مسعود کا تحفہ قبول کیجیے۔ مرثیہ نگاری و مرثیہ خوانی برصغیر پاک و ہند میں مسلم ثقافت کا لازمی حصہ رہے ہیں اور رہیں گے بھی۔ اس کتاب میں آپ مرثیہ خوانی کے ابتدائی خدوخال جان پائیں گے اور اردو ادب کی شخصیات، میر خلیق، میر انیس اور مرزا دبیر کے فن کی جہتوں سے آشنا ہونگے۔ منفرد موضوع پر منفرد کتاب ہے۔
دوستو، اجمل کمال جب بھی اور جو بھی پیش کیا کریں، آپ فورا سے پہلے اور آنکھیں بند کر کے اسے اپنی لائبریری کا حصہ بنا لیا کیجیے اجمل صاحب کی اردو کتب بینی کے فروغ کے لیے بےپناہ خدمات ہیں۔ یہ کتاب بھی ان کی اردو/ہندی اور اس خطے سے محبت کا مونہہ بولتا ثبوت ہے۔ اسم بامسمیٰ ہے تو آپ اس پڑھتے کیوں نہیں؟
مشہور ایرانی مصنف، صادق ہدایت کا ترجمہ شدہ مختصر مگر شاندار ناول پڑھیے۔ اس لیے بھی پڑھیے کہ یہ اجمل کمال صاحب کا اپنا کیا ہوا ترجمہ ہے۔ یہ اک تنہا شخص کی کہانی ہے جو اپنی زندگی اور تخلیق کو کاغذ پر منتقل اس لیے کر رہا ہے کہ زندگی اور مرنے کے بعد اپنی پہچان پا سکے۔ یہ فارسی ادب کی شاندار کتاب ہے۔
ونود کمار شُکل ہندی کے منفرد لکھاری ہیں۔ وہ نثر اور شاعری، دونوں میدانوں کے شہسوار ہیں۔ وہ بھارتی قصبوں میں رہنے والے متوسط طبقے کی روزمرہ زندگی کے شارح ہیں اور بہترین کردار نگاری کرتے ہوئے آپ کو ناول کے کرداروں سے مانوس کروا دیتے ہیں۔ اجمل کمال اور عامر انصاری کا بہترین ترجمہ۔ پڑھیے، لازمی پڑھیے۔
سید رفیق حسین کے افسانوں کا یہ واحد مجموعہ ہے۔ یہ پرانی مگر کلاسیکی کتاب ہے اور اس کا اسلوب و بیان اردو پڑھنے والوں کے ہر دور میں زندہ رہا ہے اور ہر دور میں زندہ بھی رہےگا۔ اس کتاب میں ان کے افسانے اور ان پر اردو لکھنے والوں کے سات شاندار مضامین ہیں۔ کہانی سے محبت کرنے والوں کے لیے تحفہ ہے۔ پڑھیے۔
یہ عقلیہ اسمٰعیل کی شاندار تاریخی تخلیق ہے مگر ہمارے ہاں کچھ زیادہ نہیں جانی گئی۔ یہ 1971 کے مشرقی پاکستان کے سانحہ کا بیان ہے اور ایسا بیان ہے کہ جیسے مصنفہ نے تمام واقعات اپنی آنکھوں سے دیکھ رکھے ہوں۔ سقوط ڈھاکہ کا خود پر بیتا ذاتی اور ادبی بیان ہے۔ پڑھیں گے تو آپ کو یاد رہے گا۔
بھیشم ساہنی بھارت کے شاندار لکھاری اور سوشلسٹ رہنما تھے۔ وہ راولپنڈی میں پیدا ہوئے اور بٹوارے کی دکھ ساری عمر اپنے دل پر لیے چلتے رہے۔ یہ کتاب آپ کو 1947 کے فسادات کے چند کرداروں کی کہانیاں سناتی ہے جو اک دوسرے کے ساتھ جڑے ہوتے ہیں۔ ناول کا علاقہ، راولپنڈی ہی ہے۔ تاریخی مگر دکھی کردینے والی کتاب ہے۔
اجمل کمال آپ کے لیے لائے ہیں اک بار پھر اپنے انتخاب سے عربی کہانیاں۔ شاندار ترجمہ جو آپ کو کتاب میں دلچسپی کے ساتھ انگیج رکھے گا۔ اس کتاب کو پڑھیے اور یوسف ادریس، زکریا تامر، الیفہ رفعت، نبیل جورجی اور طیب صالح کے علاوہ اور بہت سے عربی لکھاریوں کے اسلوب کا لطف لیجیے۔ یاد رکھیں گے، دوست۔
ارشد محمود پاکستان کے ترقی پسند دانشور ہیں اور اپنی اس کتاب میں پاکستانی معاشرے میں موجود مختلف قسموں کی گھٹن کا اک بےلاگ تجزیہ کرتے ہیں۔ وہ ہمارے معاشرے میں موجود گھٹن کو مختلف سائنسی اور تاریخی حوالہ جات سے اپروچ اور بیان کرتے ہیں۔ پاکستانی معاشرے کے رویوں کو سمجھنے کے لیے بہت عمدہ پڑھائی ہے۔
بھارتی مصنف، ذکیہ مشہدی کا فوکس عورت، معاشرہ، لوگ، رسوم و رواج اور ان کے تال میل سے پیدا ہونے والی کہانیاں ہیں۔ یہ ان کی کہانیوں کا مجموعہ ہے جس میں وہ آپ کو بھارت میں مسلم معاشرت کی بُنت میں لیے جاتی ہیں اور آپ کو وہاں کی معاشرت اور اس میں بسے لوگوں کا تعارف کرواتی ہیں۔ پڑھنے والی عمدہ کتاب ہے۔
سید محمد اشرف بھارت میں رہنے والے اردو ناول اور افسانہ نگار ہیں۔ یہ اک نیم تاریخی اور نیم سوانحی ناول ہے جس نے پرصغیر پاک و ہند کی گنگا جمنی تہذیب کو اپنا موضوع بنایا اور بہترین انصاف کیا۔ یہ اس خطے، بالخصوص بھارت میں مسلمانوں کو زمانہءحال کا حقیقی چہرہ دکھانے کی کوشش کرتا ہے۔ پڑھنے والا ہے۔
اوم پرکاش والمیکی، انڈیا میں دلت لٹریچر کے امام ہیں۔ یہ ان کی بہت مختصر آپ بیتی ہے جس میں انہوں نے "نچلی جاتی" کے لوگوں کے دکھ اور صرف دکھ بیان کیے ہیں۔ شیراز حسن کا شاندار ترجمہ ہے۔ یہ کتاب آپ کو انڈیا (اور پاکستان) میں سماج کی اونچ نیچ کے تکلیف دہ، مگر حقیقی سفر پر لے جائے گی۔ پڑھنا لازم ہے، لازم!
جنگ، تشدد، قتل و غارتگری، بڑی طاقتوں کے غاصبانہ قبضے کے ملغوبے نے عراقی معاشرے کو کیسے کیسے زخم دیے اور وہاں بسنے والوں کو کسی ان-چاہی بربادی میں دھکیلا، یہ کتاب آپ کو اس کا تعارف فراہم کرے گی۔ حسن بلاسم نے حقیقی انسانی دکھ لکھے۔ ارجمند آرا نے شاندار ترجمہ کیا آپ کے لیے۔ پڑھیے ناں دوست۔
