There are 9 products.
کرشن چندر کی تحریر ہو اور آپ اسے کیسے مِس کر سکتے ہیں؟ یہ ناول ان کے حساس دل کی آواز کے عین مطابق ہے جس میں وہ ہندوستانی مظلوم اور پسے ہوئے طبقات کی تذکرہ بہت تفصیل اور درد سے کرتے ہیں۔ چندر نے اپنی تمام تخلیقات میں عام لوگوں کی بہت خاص کہانیاں بیان کی ہیں۔ لازمی پڑھا کیجیے۔
کرشن چندر شاندار ناول اور افسانہ نگار تھے۔ وہ انڈیا کے بٹوارے کا زخم ساری عمر اپنے دل میں لیے زندہ رہے۔ ان کی تحاریر بنیادی طور پر انسانی ٹریجڈیز کے گرد گھومتی ہیں۔ ناول یا افسانے، کرشن چندر ہمیشہ سے ہی پڑھنے والے لکھاری رہے ہیں اور رہیں گے۔ پڑھیے جناب۔
شکست کی کہانی ایک ہندوستانی نیم دیہاتی بستی کے گرد گھومتی ہے جہاں ذات پات مذہب اور طبقاتی تقسیم کے بیچ محبت کی داستانیں جنم لیتی اور مرتی ہیں۔ انسانی فطرت کچھ حاصل کرنا چاہتی ہے، سماج انکار کرتا ہے۔ کرشن چندر نے کیا شاندار عکاسی کی ہے۔ پڑھنے سے تعلق رکھتی ہے۔
تاش کے باون پتوں کی طرح، انسان اور ان سے جڑے معاملات بھی گویا اک دوسرے سے مختلف ہوتے ہیں۔ یہ اپنی طرز کے الگ الگ عوامل جب ملتے ہیں تو جیسے تاش کی بازی کا الگ رنگ بنتا ہے، عین ویسے ہی زندگی کا بھی رنگ الگ ابھرتا ہے۔ پڑھیے ممبئی کی اک طوائف، جمنا کی کہانی اور عظیم مصنف کی شاندار نثر کا لطف لیجیے۔
کرشن چندر کی نسل کے لکھاریوں کے سینوں پر تقسیم ہند اور اس سے جڑے انسانی المیات کے گہرے زخم تھے۔ ہم وحشی ہیں بھی کرشن چندر کے دوسرے ناول، غدار، کی طرح انہی زمانوں پر اک تکلیف دہ بیان ہے۔ تہذیب کے دعویدار انسانوں کو، جو ان زمانوں میں ہوا، زیب نہیں دیتا تھا۔ پڑھیے دوست۔
کرشن چندر کے اس ناول کو پڑھیے اور دھرتی اور دھرتی پر رہنے والوں کے دکھ، سکھ، غم، خوشی اور زندگی میں شریک ہو جائیے۔ یہ کتاب آپ کو دیہاتی رہتل کے رومان کے ساتھ ساتھ، زمین کے محنت کشوں کی زندگیوں کی حقیقی تصویر بھی دکھائے گی۔ تو پڑھیے اور چندر کی نثر سے لطف اٹھائیے۔
یہ ناول، اس میں بیان کردہ کہانی آپ کو بہت عرصہ گداز رکھے گی۔ انسانی رشتوں، بالخصوص محبت، وچھوڑے اور اس سے جڑے وہ انسانی جذبات جو انسانوں کو عموما حالات کے رحم و کرم پر لیے پھرتے ہیں؛ ان کا تذکرہ آپ کو اداس کرے گا، اور شاید آپ اس ناول کی کہانی میں اپنے سے جڑے لطیف جذبات میں مماثلت بھی تلاش کر لیں۔
1947 کی اس تقسیم پر لکھا گیا جس کے نقوش شاید تاقیامت کروڑوں دلوں پر موجود رہیں گے۔ قاری کو چونکا دینے والا۔ یہ ناول آپ کو ان زمان و مکاں میں لے جائے گا جہاں اور جب متحدہ ہندوستان کی کوکھ سے دو آزاد ملک جنم لے رہے تھے۔ انسانی نفسیات پر آپ کو تنقید اور کاٹ پڑھنے کو ملے گی۔
کرشن چندر کے نام سے کون واقف نہیں۔ یہ ان کا روایت سے ہٹ کر اور اپنے وقت کا شاندار ناول ہے۔ قاری کو چونکا دینے والا۔ برصغیر کے عمومی روایت پسند معاشرے میں دہائیوں پہلے ایسا ناول لکھنا بہت "جگرے" کا کام تھا اور یہ بہرحال، کرشن چندر کے ہاتھوں ہی ہونا تھا۔ پڑھیے اور شاندار نثر کا لطف لیجیے۔
