There are 20 products.
تارڑ صاحب کے سفرنامے بھی ادبی ٹچ لیے ہوتے ہیں اور انہیں پڑھنے والا ان کے ساتھ ساتھ ان جگہوں کی سیر تو کرتا ہی ہے، ان کے ایکسپریشن کا لطف بھی ساتھ ہی اٹھائے چلے جاتا ہے۔ کیا آپ ان کے ساتھ ویت نام جانا چاہیں گے؟ کیوں نہیں بھئی! تو پھر پڑھیے جناب۔
تارڑ صاحب آپ کو کمبیوڈیا لیے چلتے ہیں۔ آپ کو بھی ان کے ساتھ، وہاں جائے بغیر جانے کا اک موقع مل رہا ہے تو آپ جاتے کیوں نہیں؟ پڑھیں اور ان کے ساتھ کمبوڈیا کی تاریخ، معاشرت، لوگوں، ثقافت، تاریخی مقامات، رسوم اور رواج کے بارے میں جان جائیں تارڑ صاحب کی کیا ہی بات ہے!
تارڑ صاحب کی پاکستان کے شمالی علاقہ جات سے محبت بہت پرانی ہے۔ وہ تو اپنی پرانی سوزوکی ایف ایکس پر اک دن وہاں جا پہنچے تھے۔ یہ مگر بہت پہلے کی بات ہے۔ انہوں نے گلگت بلتستان کو پاکستانیوں سے جیسے متعارف کروایا ہے، شاید ہی کسی اور نے کروایا ہو۔ یہ ان کا ویسا ہی اک سفر نامہ ہے۔ پڑھیے اور لطف لیجیے۔
تارڑ صاحب آپ کو اس بار حراموش لیے جاتے ہیں جو مواصلات کے اس دور میں بھی پہنچنے کے لیے اک مشکل جگہ ہے۔ تارڑ صاحب مگر عرصہ ہوا وہاں پہنچ گئے تھے۔ یہ کتاب آپ کو شمالی پاکستان کے ان پیارے اور خوبصورت لوگوں سے ملا دے گی جو آج بھی فطرت کی گود میں رہتے اور جیتے ہیں۔ پڑھیں گے تو جان اور مان جائیں گے۔
کیوبا ہمارے ہاں کچھ زیادہ نہیں ڈسکس کیا جاتا اور شاذ ہی جانا جاتا ہے۔ وہ مگر اپنی تاریخ، ثقافت اور رہتل رکھنے والا اک ملک و معاشرہ تو ہے ہی ناں۔ تارڑ صاحب کے ساتھ کیوبا گھوم آئیے، بہت سستے نرخوں میں جناب۔ پڑھیں گے تو بہت لطف اٹھائیں گے۔ تارڑ صاحب کی کوئی کتاب کبھی بھی مِس نہ کیا کیجیے؛ مفت مشورہ ہے!
تارڑ کے ساتھ چلیں۔ وہ آپ کو لاہور لیے چلتے ہیں۔ آپ اگر لاہور میں رہتے بھی ہیں تو بھی تارڑ آپ کو وہاں وہاں لیے جائیں گے جہاں آپ شاید ہی پہلے کبھی گئے ہونگے۔ پرانا لاہور دیکھیے، پڑھیے اور کہیں کہیں نئے لاہور کا تذکرہ بھی دیکھیے۔ یہ کتاب پڑھنے کے بعد آپ لاہور کے جادو کے مزید قائل ہو جائیں گے۔
یہ اردو ادب کے عظیم ترین ناولز میں شامل ہے، اور ہمیشہ رہے گا۔ اردو پڑھنے والوں کا ہر زمانہ، اس کتاب کا زمان و مکاں رہے گا۔ گوجرانوالہ کے گاؤں، نت کلاں سے لاہور، امریکہ، کینیڈا، جاٹوں اور ان کے سیپیوں کی تین نسلوں کی کہانی۔ بخت جہاں کا کردار آپ کو تاعمر یاد رہے گا۔ ہمارا دعویٰ ہے۔ لازمی پڑھیے، لازمی۔
پڑھیے تارڑ کی زندگی کے بھولے بسرے کرداروں کا تذکرہ۔ عظمیٰ گیلانی سے ملاقات کا احوال اور اپنے اک سکھ دوست سے تقریبا 60 برس میں تیسری ملاقات کی جذباتی رؤداد۔ آسٹریلیا کے اصل باشندوں، آبریجنلز، کے خدائی تصورات اور ان کے علاقے کے مناظر۔ آسٹریلیا جائے بغیر، صرف یہ کتاب پڑھ کر ہی آسٹریلیا گھوم آئیں بھئی!
تارڑ کے نہایت ہی خوبصورت بیان میں پڑھیے اردو ادب کے عہدساز لکھاریوں کے خاکے، حالات زندگی اور ان کے خطوط۔ اس کتاب میں آپ کو شفیق الرحمٰن، کرنل محمد خان اور خالد اختر کی زندگیوں کے بارے میں بہت کچھ جاننے کو ملے گا۔ یہ بھی کہ ٹریجیڈی کیسے ان تمام کی زندگی کا حصہ رہی۔ دل گداز کر دینے والی کتاب ہے۔
تارڑ کی شاندار "سندھ آوارگی" پڑھیے اور سندھ کے صوبے، لوگ، مقامات اور رسوم و رواج کے بارے میں تفصیل سے جانیے۔ پاکستان میں، بدقسمتی سے، اپنے ہی صوبوں کے بارے میں ایسے سفرنامے بہت کم تحریر کیے گئے ہیں۔ یہ کتاب آپ کو بالکل اک نیا سندھ متعارف کروا دے گی۔ بیان تو خیر تارڑ کا ویسے ہی کمال کا ہے۔
تارڑ کا شاندار ناول ہے جو مشرقی پاکستان کے سانحہ کے آس پاس کے حالات سے لے کر، سنہ 1990 کی دہائی کے کراچی تک کے واقعات کا احاطہ کرتا ملے گا۔ اس میں آپ کو وطن عزیز کے ماضی میں ہونے والے ضیاع کا بیان تو ملتا ہی ہے، اس کے جاری رہنے کا احساس بھی آپ کو ملے گا۔ تارڑ کی باکمال نثر میں، آپ کے لیے۔
یہ کتاب ہر پاکستانی کو پڑھنی چاہیے، بالخصوص ہر پنجابی کو۔ اس لیے نہیں کہ یہ پنجاب کا بیان ہے، اس لیے کہ یہ پنجاب کے سماج، تاریخ، مقامات، اور معاشرت کے اس نقصان کا بیان بھی ہے جو وطنِ عزیز میں اپنی تاریخ و تہذیب کی نگہبانی نہ کرنے کا ہے۔کتاب آپ کو ملکہ ہانس سے امرتسر لے جاتی ہے، اور بہت کچھ بھی ہے۔
تارڑ کی پاسکل سے شاید ہی کوئی محبت کرنے والا واقف نہیں ہو گا۔ کیا آپ واقف ہیں اس سے؟ اگر نہیں، تو کیوں نہیں؟ یہ تارڑ کی اولین تخلیقات میں سے ہے اور آپ کو اس میں محبت کے آغاز سے لے کر، زیاں کا سامنا کرنے تک کی کہانی ملتی ہے۔ کرداروں کا بیان سے آپ پاسکل کو ہمیشہ یاد رکھیں گے۔ پڑھیے دوست۔
یہ تارڑ کا سفرِ حج ہے، اور بےپناہ محبت، عقیدت اور حساسیت کا بیان لیے ہوئے ہے۔ جدید اردو میں شاید ہی اس سے بہتر سفرِ حج لکھا گیا ہو۔ کتاب میں سعودی معاشرت پر مشاہدہ ہے اور اپنی ذات کے بیتے تجربات بھی۔ آقا محمدﷺ کا تذکرہ کئی مقامات پر ایسا ہے کہ آنکھیں بھر آتی ہیں۔ پڑھیے؛ یہ کتاب یاد رکھیں گے۔
جوانی کے اوائل میں ماسکو جانے والے تارڑ، اب اپنے بڑھاپے کی ابتدا میں وہاں جاتے ہیں۔ ان لوگوں سے ملتے ہیں جن سے ان کی ملاقات کئی دہائیوں قبل ایسے ہوئی تھی کہ تب شناسائی نہ تھی۔ اس کتاب کے آخر میں لیو ٹالسٹائی کی قبر کے ساتھ تارڑ کا اک ایسا مکالمہ ہے جو ازخود اک شاہکار ہے۔ پڑھیے، یہ شاندار بیان ہے۔
چلیے اور تارڑ کے ساتھ ٹلہ جوگیاں چلیے اور وہاں سے پھر ان کے گاؤں جوکالیاں کا چکر بھی لگا آئیے۔ اس آوارہ گردی میں تاریخ، ادب، مزاح اور معاشرت کا تڑکہ بھی آپ کے ساتھ رہے گا۔ ٹلہ جوگیاں کی تاریخ جیسے تارڑ نے بیان کی ہے، وہ آپ کو اک حوالہ کے طور پر یاد رہے گی۔ پڑھیے۔ یہ مختصر سی کتاب بہت دلچسپ ہے۔
تارڑ کو پڑھنے والے جان سکتے ہیں کہ یہ ان کی یورپ-گردی کے اولین واقعات پر مشتمل حقیقی واقعاتی بیان ہے۔ تارڑ کی ہی "پیار کا پہلا شہر" کی طرح، یہ اردو ادب میں محبتی ناسٹیلجیا کا بہت ہی شاندار بیان ہے۔ یہ کتاب آپ کو جذبات کے ساتھ ساتھ، انسانی زندگی کے واقعات کی رولر کوسٹر پر لیے چلتی ہے۔ پڑھیے جناب۔
آقا محمدﷺ سے محبت، عشق اور عقیدت کا اس سے بہتر بیان جدید اردو میں شاید ہی موجود ہو۔ تارڑ کئی جگہوں پر کہہ چکے ہیں کہ اس غار میں گزاری اک رات کا تجربہ، ان کی زندگی کے اک بہت بڑے حصے کے تجربے سے بڑا ہے۔ کتاب میں واقعاتی بیان تو موجود ہے ہی، روحانیت کی لہریں بھی آپ کو شاد کرتی ہیں۔ پڑھیے، لازمی پڑھیے۔
پوٹھوہاری پنجاب کے پس منظر میں تحریر کردہ یہ کتاب آپ کو اس پنجاب کی سیر کروائے دیتی ہے جہاں رشتوں کی قدر ہے، حالات کا جبر ہے اور تقدیر کا اک پھیرا ہے جس میں مٹی اپنے سے جڑے لوگوں کو کئی نسلوں بعد بھی اپنی طرف کھینچ لاتی ہے۔ گاؤں سے تعلق رکھنے والے ہر شخص کو یہ کتاب، اپنی کتاب لگے گی۔ پڑھیے دوست۔
وہ جو رزق اور حالات کے جبر کے تحت اپنے گھروں کو چھوڑتے ہیں، اور اپنے ہی ملک کے دوسرے شہروں یا پھر اجنبی دیسوں میں جا بسیرا کرتے ہیں، انہیں یہ کتاب اپنی زندگی کی کہانی سناتی محسوس ہو گی۔ پڑھیے اور جانیے کہ اپنی جنم بھومی کی کشش کیسے ہجرت کر جانے والوں کی شخصیت کا ہمیشہ کے لیے حصہ بن جاتی ہے۔
