یہ جسٹس سید افضل حیدر کا خوبصورت محبتی بیان ہے، جناب حضرت میاں علی محمد خان (بسی شریف، ہشیار پور، انڈیا اور پھر پاک پتن شریف کے بارے میں۔ اس کتاب میں چشتیہ سلسلہ کے اِن بزرگ کے احوال و معمولات کا ذکر ہے۔ یہ روحانی محبت میں ڈوبی ہوئی بہت دھیمے مزاج کی کتاب ہے۔ پڑھیے جناب۔

آپ کو اردو میں ایسی کتب بہت کم پڑھنے کو ملتی ہونگی جو مظہر سعید قریشی صاحب نے آپ کے لیے تحریر کر دی ہے۔ یہ ان کے ذاتی مشاہدات و تجربات کی تحاریر ہیں جو ان کے ساتھ بیت جانے والے مافوق الفطرت اور ماورائے عقل واقعات کا احاطہ کرتی ہیں۔ یہ پڑھیے کہ ایسی تحاریر اردو میں بہت کم لکھی گئی ہیں۔

مسلم تصوف کی تاریخ ان دو اولیا کے تذکرہ کے بغیر مکمل ہو ہی نہیں سکتی۔ رومی و سعدی نے پوری دنیا کے مسلمانوں کو اپنے عشق، جذب، کلام و حکایات سے مبہوت کیے رکھا اور یہ سلسلہ تاقیامت جاری رہے گا۔ دوست، اس کتاب کو پڑھیے کہ یہ پڑھنے کی شے ہے۔

یہ ممتاز مفتی کی مشہور زمانہ کتاب ہے۔ یہ ان کا سفرنامہ حج ہے جو اک گہرے جذب کی حالت میں تحریر کیا گیا۔ یہ کتاب آپ کے دل پر بھی اثر کر جائے گی۔ پڑھیے گا تو اس کتاب کو یاد رکھیں گے۔ لبیک ایسی کتاب ہے جو کبھی بھی پرانی یا "بوڑھی" نہیں ہو گی۔

گرو رجنیش اپنے وقت کے بہت دلچسپ انسان اور کردار تھے۔ انہوں نے لاکھوں کروڑوں انسانوں کو اپنی تعلیمیات سے مبہوت کیے رکھا۔ انہوں نے انسانوں کو اپنے اندر جھانکنے اور زندگی کی پرتوں کو بسا اوقات متنازعہ طریقے سے کھولنے اور سمجھنے کی تحریک دییے رکھی۔ یہ پر لطف اور "مزیدار" کتاب ہے۔ پڑھیے جناب۔

رومی کا تذکرہ ہو، اور شمس تبریز کا ذکر نہ آئے۔ شمس تبریز کا تذکرہ ہو اور رومی کا ذکر نہ آئے؛ کیا یہ ممکن ہے؟ اس مختصر، مگر دلچسپ کتاب میں عبدالمالک آروی آپ کو ان دونوں کے استاد-شاگرد تعلق اور پھر اس کی روحانی جہتوں میں لیے چلتے ہیں۔ تصوف، بالخصوص اسلامی صوفی ازم سے دلچسپی رکھنے والے تو لازمی پڑھیں۔

تصوف کو عمومی اور اسلامی تصوف کو خصوصی طور پر سمجھنے اور جاننے کے لیے اس کتاب کا مطالعہ ضروری ہے۔ مولانا عبدالماجد دریا آبادی دہریت کے تشکک سے ایمان کے تیقن تک آنے والے بلند پایہ سکالر تھے اور انہوں نے اپنی زندگی صرف مذہبی ہی نہیں، سماجی و معاشرتی علوم کے لیے وقف کیے رکھی۔ شاندار کتاب ہے جناب۔

اس کتاب میں ڈاکٹر نجیبہ عارف نے ممتاز مفتی صاحب کے ان افسانوں کا تجزیہ کیا ہے جو ان کے نزدیک کوئی نہ کوئی روحانی جہت رکھتے ہیں۔ وہ کہتی ہیں کہ اس کتاب کا تعارف لکھتے اور افسانوں کا تجزیہ کرتے "مجھ پر بہت دلچسپ انکشافات ہوئے۔" ممتاز مفتی کو پڑھنے والے، یہ کتاب پڑھ کر ان کی روحانی جہت کو سمجھ سکیں گے۔

شیخ سعدی کے نام سے کون واقف نہیں ہے۔ سرزمینِ ایران سے صدیوں پرانی پھوٹتی دانش کے سرخیل صوفی، بزرگ جو دنیا اور زندگی کے حقیقی امور کو ایسی دلپذیر سچائی سے بیان کرنے کا وصف رکھتے ہیں کہ پڑھنے والا زندگی کی بہت سی ٹھوکروں سے بچ جاتا ہے۔ فہم، ادراک اور شعور: یہ سب سعدی کی پہچان ہیں۔ پڑھیے جناب!

مولانا وحید الدین جیسے لوگ تمام انسانیت کا ورثہ ہوتے ہیں اس لیے کہ ایسے لوگ اپنی زندگیوں کی دانش معاملات کو پیچیدہ بنائے بغیر آسانیاں تخلیق کرنے کے لیے وقف کر دیتے ہیں۔ روز مرہ کے معاملات میں شاندار رہنمائی فراہم کرتی ہوئی ان کی تحاریر ہر کسی کے لیے پڑھنے کی خاص چیز ہیں۔ آپ کیوں مِس کیجیے گا بھلا؟

قونیہ کے رومی سے دنیا کے ہر کونے کے لوگ محبت کرتے ہیں اور صدیوں سے ان کی حکایات، اشعار اور کلام تمام مذاہب اور ثقافتوں کے لوگوں کو مبہوت کرتے چلے آ رہے ہیں۔ یہ سلسلہ تاقیامت جاری رہے گا۔ آپ نے اگر یہ کتاب رومی کے حوالے سے نہیں پڑھی، تو پڑھیے۔ رومی کو جانیے۔ جانیں گے، تو مانیں کے!

شیخ سعدی برصغیر پاک و ہند اور ایران و ترکی کے ساتھ ساتھ ہر اس خطے کی لوک رہتل کے دانشور ہیں جہاں افراد زندگی کے مطالب و مقاصد کے بارے میں جاننے کی لگن رکھتے ہیں۔ محمد مغفور الحق صاحب نے ان کی چنیدہ حکایات آپ کے لیے پیش کی ہیں۔ لازم ہے کہ آپ بھی انہیں پڑھیں!

بابا گرو نانک اور پنجاب اک دوسرے کے ساتھ تاقیامت نتھی ہیں۔ اک کے بغیر دوسرے کی داستان نامکمل ہے۔ سکھ مذہب کے بانی اور توحید پرست بابا جی نہ صرف پنجاب، بلکہ دنیا کے تمام معاشروں کا مشترکہ ورثہ ہیں۔ ان کی زندگی، گیان اور سفر کے بارے میں پڑھیے۔ کتاب میں بین المذاہب محبت کا بیان آپ کو بہت لطف دے گا۔

یہ صرف اپنے ہی وقت کی نہیں، تمام وقتوں کے لیے تحفہ کتاب ہے۔ حنیف رامے مرحوم، اسلام اور اس کی تعلیمیاتِ زندگی کا اک شاندار روحانی پہلو اپنے قاری کے سامنے لاتے ہیں اور ثابت کرتے ہیں کہ زندگی میں اسلامی روحانی اقدار کیسے اعلیٰ رویے شامل کرتی ہیں۔ یہ کتاب ہر کسی کو پڑھنی چاہیے۔ بہت عمدہ زاویہ دیتی ہے۔

یونس ایمرے ترکی کے انسان دوست اور عوامی شاعر ہیں۔ انہیں گزرے اک عرصہ ہو گیا، مگر شاعر اور لکھاری کی تخلیقات اسے زندہ رکھتی ہیں۔ ان کا کلام آج بھی ہمارے دِلوں کو چھونے کی  طاقت رکھتا ہے۔وہ صرف ترک قوم کے ہی نہیں، انسان دوستی سے محبت کرنے والے ہر شخص اور ہر روایت کے شاعر ہیں۔ پڑھیں دوست۔