ڈاکٹر انور سدید پاکستان کے مشہور نقاد و صحافی رہے ہیں۔ انکی زندگی قلم و کتاب سے وابستہ رہی۔ یہ ادبی شخصیات کے شخصی خاکوں پر مبنی ان کی دوسری کتاب ہے۔ پڑھیں گے تو حمید اخبر، سجاد نقوی، شفقت تنویر مرزا کے علاوہ اور بہت سی ادبی شخصیات کے بارے میں جانیں گے۔ پڑھیں جناب۔

ڈاکٹر انور سدید پاکستان کے مشہور نقاد و صحافی رہے ہیں۔ انکی زندگی قلم و کتاب سے وابستہ رہی۔ اس کتاب میں انہوں نے اپنی زندگی کے مشہور لوگوں کے شاندار خاکے تحریر کیے ہیں۔ آپ ان کی اس کلیکشن میں شان الحق حقی، طاہر لاہور، شریف کنجاہی کے علاوہ اور بہت سی ادبی شخصیات کے بارے میں جانیں گے۔ پڑھیں جناب۔

یہ منیر نیازی مرحوم کی خوبصورت باتوں اور یادوں کی کتاب ہے جو ان کی محبت میں تنویر ظہور نے لکھی۔ یہ کتاب آپ کو اس لیجنڈری شاعر کا بھرپور تعارف فراہم کرے گی۔ پڑھیے، پڑھتے رہیں۔

اس کتاب میں مسعود مفتی اپنے دوستوں کا ذکر کرتے ہیں جنہوں نے پاکستانی ادب پر اپنے انمٹ نقوش چھوڑے۔ ذرا نام تو پڑھیے: فراز، قاسمی، جعفری، بخاری، منٹو، صدیقی، آصف فرخی، آغا ناصر اور دیگر کئی ایسے جو پاکستانی اردو ادب پر مسلسل محسن رہے۔ یہ پڑھنے والی کتاب ہے صاحبان۔ پڑھنے والی۔

فاروق عادل صاحب پاکستان کے نہایت ہی تجربہ کار اور سئنیر سیاسی صحافی رہے ہیں۔ اس کتاب میں انہوں نے پاکستانی سیاست و معاشرت کے جانے پہچانے ناموں کے خاکے تحریر کیے ہیں جن سے ان کی ملاقاتیں رہیں۔ میاں طفیل، نصرت بھٹو، قاضی حسین احمد، ائیرمارشل اصغر خان اور بہت سے دیگر۔ یہ بہت پرلطف پڑھنے والی کتاب ہے۔

یہ اشرف شاد صاحب کی تحریر کردہ یادگار کتاب ہے جس میں آپ پاکستانی سیاسی و سماجی تاریخ کی اہم شخصیات کے بارے میں پڑھیں گے۔ اس میں ان کے انٹرویوز ہیں اور شاد صاحب کے مضامین بھی۔ بینیظر بھٹو، جنرل ضیاءالحق، عطا اللہ مینگل، الطاف حسین، ایدھی اور بہت سے دیگر۔ پڑھنے کی شے ہے جناب۔

یہ جسٹس سید افضل حیدر کا خوبصورت محبتی بیان ہے، جناب حضرت میاں علی محمد خان (بسی شریف، ہشیار پور، انڈیا اور پھر پاک پتن شریف کے بارے میں۔ اس کتاب میں چشتیہ سلسلہ کے اِن بزرگ کے احوال و معمولات کا ذکر ہے۔ یہ روحانی محبت میں ڈوبی ہوئی بہت دھیمے مزاج کی کتاب ہے۔ پڑھیے جناب۔

یہ یونس جاوید صاحب کی مختصر آپ بیتی ہے اور انہوں کی کسی بھی قسم کی لگی لپٹی رکھے بغیر لکھ دی ہے۔ یہ بہت حقیقی اور کہنے دیجیے کہ پاکستانی معاشرتی نارمز کے پس منظر میں، اک ڈسٹرب کرنے اور چپھنے والی سچی کتاب ہے۔ آپ بہت سے مشہور لوگوں کے چھپے گوشے جان پائیں گے۔ پڑھیے؛ یاد رکھیں گے۔

اس کتاب میں نیلم احمد بشیر اپنی بہنوں کے خاکے لکھتی ہیں اور کیا ہی شاندار مضامین ہیں پڑھنے کو۔ اپنے ابو، احمد بشیر مرحوم کا بھی شاندار تذکرہ ہے اور کتاب کے آخر تک آپ کو ان چار بہنوں میں اپنے ابو کی شخصیت اور تربیت کے عکس ملتے ہیں۔ یہ بہت خوبصورت کتاب ہے، بہت۔ پڑھنے والی ہے جناب۔

پاکستانی سماج میں خواتین کے مقام کے حوالے سے کشور ناہید کی جدوجہد بہت پرانی ہے۔ یہ جہد کیوں ہے؛ یہ کتاب عین اس کی بنیاد آپ تک لے کر آتی ہے۔ یہ ان کی آپ بیتی ہے جو انہوں نے اپنے شاندار اور بےتکلف انداز میں بیان کر دی ہے۔ یہ پاکستانی عورت کی جہد کی دستاویش بھی ہے۔ آپ کو لازما پڑھنے چاہیے دوست۔

کشور ناہید صاحبہ کی یہ کتاب ان کے تاثرات پر مبنی ہے جو انہوں نے دنیا کے لکھاریوں اور محققین کے بارے میں تحریر کیے ہیں۔ آپ کو اس کتاب میں جہاں ادب، تحقیق اور صحافت کے "دیوؤں" کا تذکرہ ملتا ہے، وہیں آپ کو ان کے بارے میں لکھاری کے جذبات اور تاثرات بھی پڑھنے کو ملتے ہیں۔ یہ بہت عمدہ پڑھنے والی کتاب ہے۔

یہ بہت شاندار کتاب ہے اور آپ کو بابا جناح سے اک بہت مختلف انداز میں متعارف کرواتی ہے۔ پروفیشر سعید راشد علیگ نے اسے بہت محنت اور بہت تحقیق کے علاوہ، بہت دل سے بھی تحریر کیا ہے۔ اس میں تاریخ تو ہے ہی، اس میں محبت بھی ہے۔ آپ کو یہ کتاب لازمی پڑھنی چاہیے۔

دینہ میں پیدا ہونے والے سمپورن سنگھ کالرا سے کون واقف نہیں جو اردو کو نجانے کب سے "گلزار" بنائے ہوئے ہیں۔ ان کے کسی تعارف کی کوئی ضرورت بھی ہے بھلا؟ یہ ان کے تحریر کردہ شخصی خاکوں کی کتاب ہے۔ پڑھیں گے تو ان کی نثر کے جادو اور نشے میں جھومتے رہیں گے۔

راجندر سنگھ بیدی اردو کے کلاسیکی مصنفین میں سے ایک ہیں اور یہ ان کے اک پکے عاشق، مشتاق احمد کی محبت کی محنت ہے۔ یہ کتاب آپ کو راجندر سنگھ بیدی سے ایسے متعارف کروائے گی کہ جیسے آپ نے انہیں پہلے کبھی نہیں جانا ہو گا۔ پڑھیے کہ یہ اردو ادب سے محبت کرنے والے کا تحفہ ہے۔

پڑھیے ڈاکٹر مجاہد مرزا کی بےباک اور کھلی ڈلی آپ بیتی جو ان کی زندگی کا بھرپور اور مکمل طور پر سچا احاطہ کرتی ہے۔ وہ اپنی آپ بیتی میں خود کو فرشتہ ثابت کرنے کی قطعا کوئی کوشش کرتے دکھائی نہیں دیتے اور بھرپور انسانی جبلات کے ساتھ آپ کے سامنے آن کھڑے ہوتے ہیں۔ بہت منفرد و مختلف۔ اتنی ہی دلچسپ بھی!

ملیے تاج لالہ سے جنہیں آپ نہیں جانتے۔ بھئی بنیاد تو یہ ہے کہ ہم بڑے آدمی کے سنڈروم کا شکار ہیں اور ہمیں صرف جانے پہچانے لوگ ہی بڑے محسوس ہوتے ہیں۔ تاج لالہ ہری پور کے مشہور مزدور رہنما تھے اور انہوں نے وہاں مقامی سماج میں شدید محنت، لگن اور خلوص سے لوگوں میں شعور پھیلائے رکھا۔ پڑھیں گے تو جانیں گے!

آغا ناصر پاکستان میں نشریاتی تاریخ کے اہم ترین کرداروں میں سے ہیں۔ ان کی پہچان پاکستان ٹیلیویژن کے حوالے سے تو ہے ہی، وہ اک شاندار لکھاری بھی تھے۔ یہ ان کی خود تحریر کردہ تقریبا سوانح عمری ہے اور آپ کو ان کی زندگی کے بھول بھلیوں میں بہت محبت سے لیے جاتی ہے۔ پڑھیں اور اک تاریخی شخص کے بارے میں جانیں۔

بشریٰ رحمن پاکستان کی مشہور خواتین ناول و کہانی نگاروں میں سے ایک ہیں۔ وہ اپنی طرز کی عہد ساز شخصیت رہی ہیں۔ یہ کتاب ان کے انٹرویوز پر مبنی اک تاریخی دستاویز ہے جو پاکستان میں اردور ادب کے ارتقاء کے ہر طالبعلم کو لازما پڑھنی چاہیے۔ آپ بھی پڑھیے جناب۔ پڑھتے ہوئے لطف رہے گا۔

ملکہ پکھراج شاندار اور حوصلہ مند خاتون تھیں۔ یہ ان کی نسل کی عورت کی آواز ہے جو ان کی پوتی، فرازے سید نے مرتب کی، مگر تحریر تمام ملکہ پکھراج کی ہی ہے۔ وہ ان زمانوں کی بات کرتی ہیں جب عورت کی آواز کو دبانا لازم سمجھا جاتا تھا۔ یہ سچ ہے۔ اکل کھرا سچ۔ پڑھیے اور ان کے بارے میں جانیے۔

نیر مسعود صاحب کا قلم ہو اور بیان ہو میر انیس کا، تو فن مرثیہ نگاری سے شغف رکھنے والوں کو یہ کتاب کیونکر نہیں بھائے گی؟ مرثیہ نگاری ہی نہیں، انیس بڑے پائے و مقام کے شاعر بھی تھے۔ انہوں نے شاندار تخلیقات کیں اور اردو ادب پر ان کا احسان تاقیامت رہےگا۔ ہر اردو پڑھنے والے کو یہ کتاب پڑھنی چاہیے جناب۔

حامد اختر خاں کئی مختصر مگر جامع کتابوں کے مصنف ہیں۔ ان کی یہ کتاب آپ کو ادب و تاریخ کے کئی کرداروں کا تعارف کرواتی ہے۔ تو آئئیے اور ملیں پروفیسر کرار حسین سے، علامہ مشرقی، فقیر بھائی، اور مولانا مودودی سے۔ یہ ان کی ملاقاتوں کے احوال ہیں اور آپ کو ان شخصیات سے بہترین متعارف کرواتے ہیں۔ پڑھیں دوست۔

اس کتاب میں اختر حامد خاں آپ کو پاکستان کی جانی پہچانی و تاریخی شخصیات کے بہت مختصر خاکے بیان کرتے ہیں۔ پڑھیے کہ وہ جنرل ضیا، قدرت اللہ شہاب، عصمت چغتائی، سلیم احمد، مولانا محمد علی جوہر کے بارے میں کیا کہتے ہیں۔ یہ بہت چھوٹی، ایک ہی نشست کی مگر دلچسپ کتاب ہے۔ پڑھیے۔

یہ مختصر کتاب اختر حامد خاں کی زندگی کا احاطہ کرتی ہے۔ اس میں وہ اپنے ذاتی اور لوگوں کے ساتھ اپنے تجربات اور سبق شئیر کرتے ہیں۔ کتاب کے آخری تین چار صفحات آپ کو بہت چونکا دیں گے کیونکہ یہ ان کی زندگی کا سبق ہیں۔ وہ 1921 میں پیدا ہوئے اور یہ کتاب 2000 میں چھپی۔ پڑھیے اور ان کے تجربہ سے سیکھیے دوست۔

دوستو، اجمل کمال جب بھی اور جو بھی  پیش کیا کریں، آپ فورا سے پہلے اور آنکھیں بند کر کے اسے اپنی لائبریری کا حصہ بنا لیا کیجیے اجمل صاحب کی اردو کتب بینی کے فروغ کے لیے بےپناہ خدمات ہیں۔ یہ کتاب بھی ان کی اردو/ہندی اور اس خطے سے محبت کا مونہہ بولتا ثبوت ہے۔ اسم بامسمیٰ ہے تو آپ اس پڑھتے کیوں نہیں؟

اوم پرکاش والمیکی، انڈیا میں دلت لٹریچر کے امام ہیں۔ یہ ان کی بہت مختصر آپ بیتی ہے جس میں انہوں نے "نچلی جاتی" کے لوگوں کے دکھ اور صرف دکھ بیان کیے ہیں۔ شیراز حسن کا شاندار ترجمہ ہے۔ یہ کتاب آپ کو انڈیا (اور پاکستان) میں سماج کی اونچ نیچ کے تکلیف دہ، مگر حقیقی سفر پر لے جائے گی۔ پڑھنا لازم ہے، لازم!

اردو ادب کے "تاقیامت چچا،" غالب پر اک ناول ہو، اور تحریر ہو قاضی عبدالستار کی، تو آپ خود تصور کر سکتے ہیں کہ کیا خوبصورت بیان ہو گا۔ یہ ناول ہے، اور تاریخ بھی۔ پڑھیے اک یونیک شاعر کے بارے میں جس کے بغیر اردو شاعری و ادب کی تاریخ نامکمل رہتی ہے۔ "چچا" غالب کو جاننے کا موقع ہے۔ ضائع مت کیجیے گا۔

کشور ناہید اپنے مخصوس سُچے، کھرے اور بےتکلف انداز میں اپنے دوست، احباب کا تذکرہ کرتی ہیں جن سے ان کی زندگی میں ملاقاتیں رہی۔ ان کے دوست اور احباب پاکستان کے مشہور ادبی، سماجی و سیاسی لوگ بھی تھے۔ پڑھیں گے تو ان کے بارے میں مزید جان جائیں گے۔ دلچسپ اور بہت عمدہ، مگر مختصر کتاب ہے۔

ڈاکٹر اے بی اشرف کے نام سے زیادہ لوگ واقف نہیں۔ اس میں قصور لوگوں کا ہی ہے! ڈاکٹر صاحب معلم رہے ہیں تو انہوں نے اپنی کتاب میں اپنے معلم اور دیگر دوستوں کے شاندار اور دلچسپی سے بھرپور خاکے تحریر کیے ہیں۔ وہ کہتے ہیں کہ بڑے لوگ، صرف بڑے شہروں میں ہی نہیں ہوتے۔ چھوٹے شہروں اور قصبات والے لازمی پڑھیں۔

ڈاکٹر علامہ اقبال کے فرزند، جاوید اقبال کی یہ سوانح عمری ان کی کوشش ہے کہ وہ اپنے والد کے حوالے سے بھلے جانے جاتے رہیں، اپنی بھی مگر اک شناخت بنائیں۔ اس کتاب میں آپ کو خشونت سنگھ کی سچائی و بےتکلفی کی جھلک ملے گی۔ آخری باب جزا و سزا اور کائنات کی گھمن گھیریوں پر ہے۔ پڑھیے۔ یاد رکھیں گے۔ وعدہ ہے!

یہ ناطق کی "انفارمل آٹو بائیوگرافی" کہلوائی جا سکتی ہے۔ ناطق آپ کو اپنے خاندان سے ملواتے ہیں، اپنے گاؤں لیے چلتے ہیں اور اپنی زندگی کے واقعات سے آپ کو سرشار کرتے ہیں۔ اس میں مستریوں کی مزدوری ہے، چوری ہو جانے والی سائیکل ہے، ڈھور ڈنگر ہیں، دوست ہیں۔ بہت عام سا، بہت خاص ہے! پڑھیے۔ یاد رکھیں گے۔

بابا گرو نانک اور پنجاب اک دوسرے کے ساتھ تاقیامت نتھی ہیں۔ اک کے بغیر دوسرے کی داستان نامکمل ہے۔ سکھ مذہب کے بانی اور توحید پرست بابا جی نہ صرف پنجاب، بلکہ دنیا کے تمام معاشروں کا مشترکہ ورثہ ہیں۔ ان کی زندگی، گیان اور سفر کے بارے میں پڑھیے۔ کتاب میں بین المذاہب محبت کا بیان آپ کو بہت لطف دے گا۔

اے حمید کا نام کسی بھی تعارف کا محتاج نہیں۔ وہ شاندار مصنف تھے اور اردو ادب کو بےشمار تخلیقات دے گئے۔ یہ کتاب آپ کے پاس پرانے لاہور اور لاہوریوں کی خوشبو لے کر آتی ہے۔ اس کتاب میں جہاں اے حمید کے ذاتی جذبات شامل ہیں، وہیں جانی پہچانی شخصیات کے تعارف بھی۔ لاہور سے محبت کیجیے۔ پڑھیے۔ یاد رکھیں گے۔

تارڑ کے نہایت ہی خوبصورت بیان میں پڑھیے اردو ادب کے عہدساز لکھاریوں کے خاکے، حالات زندگی اور ان کے خطوط۔ اس کتاب میں آپ کو شفیق الرحمٰن، کرنل محمد خان اور خالد اختر کی زندگیوں کے بارے میں بہت کچھ جاننے کو ملے گا۔ یہ بھی کہ ٹریجیڈی کیسے ان تمام کی زندگی کا حصہ رہی۔ دل گداز کر دینے والی کتاب ہے۔

عرفان جاوید کی خاکہ نگاری قاری کو یہ محسوس کروا دیتی ہے کہ جیسے وہ جس کے بارے میں پڑھ رہا ہے، وہ شخصیت اس کی دوست ہے۔ پڑھیے اور امجد اسلام امجد، پروین شاکر، جون ایلیا، منشا یاد، تصدق حسن،  استاد دامن، محمد الیاس اور ایوب خاور کے علاوہ، بہت سے دوسروں کے بھی دوست بن جائیے۔ دوست بنیے گا ناں؟

ہٹلر کی تحریر کردہ کتاب مائن کمپف کا ترجمہ ہے۔ 1930 میں بغاوت کی اک ناکام کوشش کے بعد، ہٹلر نے یہ کتاب جیل میں تحریر کی تھی۔ اس کتاب نے نازی ازم کے نظریات کو پروان چڑھایا اور اس کا درجن بھر سے زیادہ زبانوں میں ترجمہ بھی ہو چکا ہے۔ کتاب کا اک حصہ آپ بیتی ہے اور کچھ حصہ سیاسی مقالہ۔ پڑھیے۔

ساحر لدھیانوی کے بارے میں یہ کتاب چندر ورما اور ڈاکٹر عابد سلمان کی تحریر ہے، مگر پڑھتے ہوئے ایسا محسوس ہوتا ہے جیسے ساحر نے آپ بیتی تحریر کی ہے۔ اس کتاب میں آپ کو ساحر کی زندگی، مزاج اور ان کے ذہن و دل کی سچی منظر کشی پڑھنے کو ملتی ہے۔ کتاب میں یادگار تصاویر ہیں اور ساحر کی تحاریر کے عکس بھی۔

یہ صرف ترکی ہی نہیں، مسلمانوں کی تاریخ کی اہم ترین کتاب بھی ہے۔ یہ کتاب سلیمان عالیشان، ذیشان کے بارے میں ہے اور ان کی زندگی کا احاطہ کرتی ہے۔ 26 برس کی عمر میں تخت نشین ہو کر، 50 برس تک شاندار حکومت و فتوحات کے وارث کی زندگی کے بارے میں پڑھیے اور جانیے کہ سلیمان، عالیشان کیسے بنے۔

یہ امرتا کی پہلی کتاب تھی جو پاکستان میں ان کی اجازت سے شائع ہوئی۔ اسے احمد سلیم نے مزید خوبصورت بنایا۔ پڑھیے مشرق و مغرب کے ان نامور لیکن حساس ادیبوں کا تذکرہ، جن کی زندگیاں نامساعد حالات کے سبب گویا پیش از وقت گُل ہو گئیں۔ یہ تفصیلات بہت دردمندی سے یکجا کی گئی ہیں۔

امرتا پریتم گوجرانوالہ میں پیدا ہوئی تھیں اور انہیں تقسیم ہند کے مرحلہ میں سے گزرنا پڑا۔ آپ کہہ سکتے ہیں کہ یہ ان کی آپ بیتی کا دوسرا حصہ ہے۔ پہلا حصہ رسیدی ٹکٹ کو کہا جا سکتا ہے۔آپ اس پڑھنے کے بعد، امرتا کو کہیں بہتر جاننا شروع کر دیں گے۔ امرتا، برصغیر کا مشترکہ اثاثہ رہیں گی۔

امرتا پریتم گوجرانوالہ میں پیدا ہوئی تھیں اور انہیں تقسیم ہند کے مرحلہ میں سے گزرنا پڑا۔ یہ ان کی آپ بیتی ہے۔ مختصر کتاب ہے، مگر آپ کو برصغیر کی اس عظیم خاتون مصنفہ کی زندگی کے پراسیس سے گزار دے گی۔ آپ اس پڑھنے کے بعد، امرتا کو کہیں بہتر جاننا شروع کر دیں گے۔ امرتا، برصغیر کا مشترکہ اثاثہ رہیں گی۔